1 Ebyomubyanda 22:2 - Baibuli Ekibono kya Katonda 2014

² Agho Daudi yaalagira okusoloza abasenze boonaboona abaali mu nsi Isiraeli. Yaalonda ab'okusiguukulula amabaale n'okugabaadha, nga ga kuzimbisa eisinzizo lya Katonda.

1 Ebyomubyanda 22:2 Iomraidhean Croise

2 Samueli 5:11

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, baghange okuzimbira Daudi ekisaagaati eky'obwakyabazinga.

1 Bakyabazinga 6:7

Eisinzizo bwe baali balizimba, amabaale ge baazimbisa baagabaadhiranga mu kifo ghe bagasima. Olwo kyaba nti tighaali nhundo, waire empasa, oba ekintu ekindi kyonakyona eky'ekyuma ekigumu einho ekyawulirwa mu isinzizo nga balizimba.

2 Bakyabazinga 12:12

n'abazimbisa amabaale, era n'abagatema. Era baagula emiti n'amabaale amateme, babikozese mu kulongoosa eisinzizo. Era baasasulira n'ebindi byonabyona ebyetaagisa ku mulimo ogwo.

2 Bakyabazinga 22:6

ababaadhi, n'abazimbi, n'abatemi b'amabaale, era baguleku embaawo n'amabaale amateme okulongoosa eisinzizo.

1 Ebyomubyanda 14:1

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, bazimbire Daudi ekisaagaati eky'obwakyabazinga.

1 Ebyomubyanda 29:1

Agho kyabazinga Daudi yaakoba abaali beesoloiza ati: “Mutabane wange Solomoni Katonda y'alonzeemu akaali mwana muto, ate nga omulimo oguli n'okukolebwa mukologho inho kuba kino ti kisaagaati kya bwakyabazinga bwa bantu buntu, aye isinzizo lya Musengwa Katonda.

2 Ebyomubyanda 2:16

Twidha kutema emiti gyonagyona gye weetaaga okuva mu Lebanoni, tugisibe mu binhwa, tugite ku nhandha giseeyeeye okutuuka e Yoppa. Eyo y'oligitoolera okugitwala e Yerusalemu.”

2 Ebyomubyanda 2:17

Agho Solomoni yaalagira okubala abasenze boonaboona abaali mu Isiraeli, ng'oti ni lata we Daudi bwe yakola. Abasenze abo baagheramu emitwalo ikumi n'etaanu n'enkumi isatu na lukaaga (153,600).

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ab'Efeso 2:12

Olwo mwali muzira kye mwidhi ku Kurisito, nga muli ba ndha era nga timubalibwa mu ba ighanga lya Isiraeli. Era mwali muzira mugabo mu bisuubizo ebiri mu ndagaano dha Katonda. Mwali mu nsi nga muzira kye musuubira, era nga muzira Katonda.