1 Ebyomubyanda 22:16 - Baibuli Ekibono kya Katonda 2014

¹⁶ mu zaabu, ni mu feeza, ni mu kyuma eky'ekikomo, era ni mu kyuma ekigumu einho. Situkiramu otoolere omulimo. Nsaba Musengwa Katonda abenga n'iwe.”

1 Ebyomubyanda 22:16 Iomraidhean Croise

1 Bakyabazinga 2:2

“Ekiseera kyange eky'okufa ng'abantu boonaboona bwe bali n'okufa, kiri kumpi okutuuka. Kale oba nga wa maani era ogumanga kisaadha.

1 Bakyabazinga 7:47

Ebintu ebyo byonabyona Solomoni tiyabipima buzito bwabyo, kuba byali kamaala inho. Kale obuzito obw'ekyuma eky'ekikomo kye baakozesa tibwamanhika.

1 Ebyomubyanda 22:11

Daudi yaayongera okukoba ati: “Kale ni mwana wange, nsaba Musengwa Katonda wo abenga n'iwe, akughe enkabi oghange okumuzimbira eisinzizo nga bwe yakusuubiza.

1 Ebyomubyanda 22:14

Nze ku lwange mu bukaluubirivu obungi, nkoze kyonakyona ekisoboka, naateeragho eisinzizo talanta edha zaabu edhighera emitwalo eikumi (100,000) ni talanta edha feeza edhighera akakaire akalamba (1,000,000) n'ekyuma eky'ekikomo, taaku n'ekyuma ekigumu einho, ebitasoboka kupimika olw'obungi bwabyo. Era naataagho n'emiti, n'amabaale. Weena okwo kw'obe oyongereze ebindi.

1 Ebyomubyanda 22:15

Era oli n'abakozi kamaala: ababaadhi ab'amabaale n'abo abagazimbisa, n'ababaadhi ab'emiti, n'abagheesi kamaala abaghanga okugheesa ebintu

1 Ebyomubyanda 22:3

Yaataagho ekyuma ekigumu einho mu bungi, nga kya kugheesaamu misumaali n'obubaati, eby'okukola ku ndhigi edhiigala emiryango eminene. Yaataagho n'ekyuma eky'ekikomo mu bungi, ekitasoboka na kupimika.

1 Ebyomubyanda 28:10

Kale ni ogwaine okimanhe nga Musengwa Katonda akulonze okuzimba endhu ey'okusinzizaamu. Kale omulimo ogwo gukole n'obumalirivu.”

1 Ebyomubyanda 29:2

Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

2 Ebyomubyanda 1:1

Solomoni mutabane wa Daudi yaakakata mu bufuzi mu bwakyabazinga bwe, era Musengwa Katonda we yaabanga ghalala naye, yaamufuula omukologho einho.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Ab'e Filippi 4:13

Nsobola okugumira byonabyona olw'amaani Kurisito g'ampa.

Yoshua 1:2

“Musa, abaire omugheereza wange, yafa. Kale ni, iwe weetegeke n'Abaisiraeli abandi boonaboona, musomoke omwiga Yorudani, mwingire mu nsi ye ndi kubagha.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 7:10

Musengwa Katonda yaakoba Yoshua ati: “Situka! Weeyalira ki ghansi otyo?

Abalamuzi 4:14

Debora yaakoba Baraki ati: “Situkiramu, oje. Musengwa Katonda akukulembeiremu. Olwaleero akughaire okughangula Sisera.” Agho Baraki yaaserengeta olusozi Tabori, ghalala n'abasaadha be omutwalo omulala.

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”

1 Samueli 20:13

Aye lata wange bw'anaaba ng'ali kwenda kukukola kabi, memale ni ntakumanhisaaku era ni ntakuyamba kulumuka kwewonia, Musengwa Katonda agwananga yandhita. Nsaba Musengwa Katonda oyo abenga n'iwe, nga bw'abairenga aba ni lata wange!