1 Ebyomubyanda 21:8 - Baibuli Ekibono kya Katonda 2014

⁸ Daudi yaasaba Katonda ati: “Wo Musengwa Katonda nhonoine inho olw'ekyo kye nkoze. Era nkweghembye ntoolaaku ekibi ekyo nze omugheereza wo, kuba nkoze kya busiru inho.”

1 Ebyomubyanda 21:8 Iomraidhean Croise

Amainhama 34:7

Batabane ba Yakobo baira nga bava mu kyayiro. Bwe baakiwulira baanakughala era baasungughala inho, kuba Shekemu kye yali akoze eky'okukaka mughala wa Yakobo, nga kya muzizo mu Baisiraeli.

2 Samueli 12:13

Agho Daudi yaakoba Nathani ati: “Nakola ekibi naasungughaza Musengwa Katonda.” Nathani yaamukoba ati: “Musengwa Katonda akusoniighe toidha kufa.

2 Samueli 13:13

Nze nzira ye ndija nga mmaze okuswala ntyo. Ate iwe oidha kutwalibwanga ng'omudankaanu mu Isiraeli. Kale ni nkweghembye yogera ni kyabazinga, taidha kukundobera.”

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

1 Ebyomubyanda 21:7

Katonda yaasungughala olw'ekyo ekyakolebwa, kyeyava n'abonereza Isiraeli.

2 Ebyomubyanda 10:9

Yaababuuza ati: “Magezi ki ge mumpa? Twiremu tutya abantu bano abankobye bati, ‘Kendeeza ku buzito lata wo bwe yatukaluubirizanga nabwo?’ ”

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Yeremia 3:13

Aye mwikirize nga muli n'omusango olw'okudheemera nze Musengwa Katonda waimwe, ni mweghaayo okusinza bakatonda abagwira buli ghansi mu kinsense eky'omuti omuzibirivu. Era mwaloba kumpulira na kugondera biragiro byange. Nze Musengwa Katonda, ninze nkobye.

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 26:21

Agho Saulo yairamu ati: “Nkoze bubi. Ira, mwana wange Daudi, tikairayo kabiri kukukolaku kabi, kuba owoniiza obulamu bwange olwaleero. Bwenebwene mbaire musiru, era nkoze kibi inho.”