1 Ebyomubyanda 21:7 - Baibuli Ekibono kya Katonda 2014

⁷ Katonda yaasungughala olw'ekyo ekyakolebwa, kyeyava n'abonereza Isiraeli.

1 Ebyomubyanda 21:7 Iomraidhean Croise

2 Samueli 11:27

Ekiseera eky'okulira bwe kyawaaku, Daudi yaatuma abakwenda baaleeta Bathisheba oyo mu kisaagaati kya kyabazinga, yaamufuula mukazi we, era yamuzaalira omwana omulenzi. Aye ekintu ekyo Daudi kye yakola kyasungughaza Musengwa Katonda.

2 Samueli 15:26

Aye bw'alinkoba ati, ‘By'okola tibisiima,’ kale nze ndigho, alinkola mwene ky'alibona nga n'ekingwaniire.”

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Samueli 21:14

Kale baaziika amagumba ga Saulo n'aga mutabane we Yonathani mu magombe ga Kishi lata wa Saulo oyo e Zela mu kiketezo kya Benjamini. Era baakola byonabyona kyabazinga Daudi bye yalagira. Ebyo bwe byawa, Katonda yaabagha bye baasabira ensi yaibwe.

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Ebyomubyanda 21:14

Kale Musengwa Katonda yasindika ku Isiraeli ekibamba, mwafaamu abantu emitwalo musanvu (70,000).

1 Ebyomubyanda 21:6

Aye olw'okuba Yoabu tiyasiima kiragiro kya kyabazinga, ab'omu kika ekya Levi n'ekya Benjamini tiyababala.

1 Ebyomubyanda 21:8

Daudi yaasaba Katonda ati: “Wo Musengwa Katonda nhonoine inho olw'ekyo kye nkoze. Era nkweghembye ntoolaaku ekibi ekyo nze omugheereza wo, kuba nkoze kya busiru inho.”

Yoshua 7:1

Musengwa Katonda yalagira Abaisiraeli okuzikiriza Yeriko n'ebikirimu byonabyona. Aye omusaadha eyayetebwanga Akyani tiyagondera kiragiro ekyo, yaatwala ku bintu ebyali biri n'okuzikirizibwa. Akyani ono yali mutabane wa Karumi era mwidhukulu wa Zabudi, era mwidhukulu wa Zera ow'ekika kya Yuda. Agho obusungu bwa Musengwa Katonda bwayakira ku Baisiraeli ng'oti muliro.

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

Yoshua 7:5

era abasaadha ab'e Ayi abo baabingirira Abaisiraeli okuviira irala ku mulyango okubatuusa a Shebarimu. Abaisiraeli bwe baali nga baserengeta, bale baabaitamu abantu ng'asatu na mukaaga, era baawaamu amaani baatenha.