1 Ebyomubyanda 21:13 - Baibuli Ekibono kya Katonda 2014

¹³ Agho Daudi yaakoba Gadi ati: “Enaku engemye inho naasoberwa. Aye ekisinga leka Katonda ali n'ekivunika ekyodo ambonereze mwene, mu kifo eky'okubonerezebwa abantu obuntu.”

1 Ebyomubyanda 21:13 Iomraidhean Croise

2 Bakyabazinga 6:15

Omugheereza wa Elisha omuntu wa Katonda bwe yazuuka enkyo ku nkyo, yaafuluma. Okuja okulinga ati, ng'abona eigye n'embalaasi, n'ebigaali eby'omu lutalo, nga bazingiiza ekibuga okukyezunguluza. Agho yaakoba Elisha ati: “Tukagwireku, musengwa wange! Tunaakola tutya?”

2 Bakyabazinga 7:4

Bwe tukoba tuti, ‘Twingire mu kibuga,’ ekibuga kirimu endhala era twidha bwa kufiira eyo. Ate bwe tutyama obutyame ghano, era twidha kufa. Kale ni mukole tuje mu kifo Abasiria ghe baasimba weema dhaibwe. Bwe banaatuleka nga tuli balamu, twidha kuba balamu. Aye bwe banaatwita, twidha kufa.”

2 Ebyomubyanda 28:9

Aye ghaaligho omulanzi wa Musengwa Katonda ng'aba Samaria, eriina lye nga ni Odedi. Oyo yaaja okweisuusaayo eigye nga liri kwira e Samaria, yaabakoba ati: “Bona eno, olw'okuba Musengwa Katonda, Katonda wa badhaadha baimwe yasungughalira ab'omu Buyudaaya, kyaviire n'abaghaayo ye muli okubaghangula. Aye mperaano awuliire engeri ye mubaiseemu n'obukambwe obutaloodheka.

Zabbuli 103:8

Musengwa Katonda asaasira era wa kivunika, alwagho okusungughala era yaagonza inho abantu obutalekera.

Zabbuli 106:7

Badhaadha baife nga bakaali mu Misiri, ebyewuunhisa Musengwa Katonda bye yakolanga tibaabitwalanga ng'ekikulu; tibaidhukirangaku naire bwe yabagonzanga obutalekera. Baadheemera oyo Ali Ghaigulu Yeene, bwe baali mu Nhandha Emyufu.

Zabbuli 119:156

Aye iwe Musengwa Katonda, okusaasira kwo kungi inho; nkweghemba ompe obulamu kuba oli mutuufu.

Zabbuli 130:4

Aye iwe otusonigha, tusobole okukugha ekitiisa.

Zabbuli 130:7

Imwe Abaisiraeli, mwesigenga Musengwa Katonda, kuba abagonza obutalekera era buliidho mwetegefu okubanunula.

Zabbuli 5:7

Aye nze, olw'okungonza einho, ndidha kwingira mu isinzizo lyo nkusinze mu kifo kyo ekitukuvu, nga nkukubira amakiryaivu okwoleka nga bwe nkutya.

Zabbuli 69:13

Aye nze nsaba iwe Musengwa Katonda. Wo Katonda wange, ndhiraamu mu kiseera kyo mwene ky'oba ng'olonze, olw'okugonza kwo okungi okutakoma, era n'olw'okusuubiza kwo okwesigika.

Zabbuli 69:16

Wo Musengwa Katonda, olw'okugonza kwo okutakoma n'olw'obulungi bwo ndhiraamu bye nkusaba; olw'okusaasira kwo okungi ba ku luuyi lwange.

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Ensambo 12:10

Omuntu akola ebituufu afaayo ku nsolo dhe, aye omukozi w'ebibi tasaasira dhidhe naire.

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Isaia 47:6

Nasungughalira abantu bange, naababisa ng'oti tibakaali bange. Naabakugha okubafuga, waaloba kubasaasiraku naire. N'abakaire boona waabafugisa bukambwe.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Okulira 3:32

Waire asobola okuleetera omuntu okudaagadaaga, aye olw'okugonza kwe okungi okutakoma, amala yaamugemerwa ekivunika;

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Habakkuku 3:2

Wo Musengwa Katonda, nawulira bye wakola era naatya inho. Ni mperaano tukolereku mu biseera byaife bino eby'amaani bye wakolanga eira. Tusaasirenga ni bw'oba ng'osungughaire.

Yoanne 12:27

“Omwoyo gwange mweraliikirivu. Aye ate nkobe ntya? Nkobe nti: Lata mponia ekiseera kino? Aye ekyandeeta n'ekiseera kino okuntuukaku.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

Abaheburayi 10:31

Nga kitiisa okugwa mu mikono gya Katonda omulamu!