1 Ebyomubyanda 20:5 - Baibuli Ekibono kya Katonda 2014

⁵ Kabiri ghaabalukagho olutalo olundi n'Abafilisiti. Elihanani mutabane wa Yairi yaita Lahimi muganda wa Goliathi Omugitti, eyali n'eifumo eryali n'olunhago olunene, olwaga n'ekiti kye balukisa engoye.

1 Ebyomubyanda 20:5 Iomraidhean Croise

2 Samueli 21:19

Era ghaabalukagho kabiri olutalo olundi n'Abafilisiti e Gobu. Elihanani mutabane wa Yaareoregimu Omubethilehemu, Goliathi Omugitti eyali n'eifumo eryali n'olunhago olunene olwaga n'ekiti kye balukisa olugoye.

1 Ebyomubyanda 11:23

Era yaita Omumisiri nga wa kighaga eyali abisa mu mita eibiri mu buleeyi, ate ng'agemye eifumo mu ngalo eririku olunhago olwaga n'ekiti kye balukisa engoye. Benaia oyo yaamulumba nga mwene ali na mwigo bwigo, yaamuswankulaku eifumo mu ngalo, yaamwitisa lyene eryo.

1 Ebyomubyanda 20:6

Kabiri era yaabaayo olutalo e Gathi omwali omusaadha omukologho, ng'ali n'engalo mukaaga ku buli mukono n'obugere mukaaga ku buli kigere byonabyona aghalala n'amakumi abiri n'ebina (24). Yeena yali wa ku lulyo olw'abantu abawaigufu.

1 Samueli 17:4

Mu balwani Abafilisiti mwalimu eyali abasinga boonaboona, nga bamweta Goliathi ow'omu kibuga Gathi. Obuleeyi yali agheza kumpi mita isatu.

1 Samueli 17:7

Olunhago olw'eifumo lye lwali nga lwaga n'ekiti kye balukisa olugoye obunene. Ate eifumo lyene nga lizitogha kilo ng'oti musanvu. Era yali n'omuntu eyamugemeranga engabo, nga n'amukulemberamu.

1 Samueli 21:9

Agho kabona oyo yairamu ati: “Ghaligho ghano empiima ya Goliathi Omufilisiti ye waitira mu kiiko ky'e Ela. Empiima eyo eri einhuma w'ekivaalo eky'obwakabona, nga nzingirire mu lugoye. Oba oyenda okutwala eyo, gitwale, kuba ghaziragho yindi okutoolaku eyo.” Daudi yaamukoba ati: “Mpa eyo, ezirayo yindi eri ng'oti n'eyo.”

1 Samueli 22:10

Ahimeleki oyo yaamwebuulizaagho eri Musengwa Katonda, era yaamugha eby'okulya era n'empiima ya Goliathi Omufilisiti.”