1 Ebyomubyanda 20:1 - Baibuli Ekibono kya Katonda 2014

¹ Agho omwaka nga gutoolera, mu kiseera bakyabazinga kye bajiiramu okulwana entalo, Yoabu yaakulembera eigye yaalumba ensi eya Abammoni. Yaazingiza ekibuga Rabba era yaakizikiriza. Aye kyabazinga Daudi yaasigala e Yerusalemu.

1 Ebyomubyanda 20:1 Iomraidhean Croise

2 Samueli 11:1

Agho ng'omwaka gutoolera, mu biseera bakyabazinga ghe baajiiranga okulwana entalo, Daudi yaatuma Yoabu ng'ali n'abagheereza be ghalala n'Abaisiraeli boonaboona. Baaja baalumba Abammoni, baabaghangula era baazingiza ekibuga Rabba okukyezunguluza. Aye Daudi mwene yaasigala e Yerusalemu.

2 Samueli 17:27

Daudi bwe yaatuuka e Mahanaimu, Shobi mutabane wa Nahashi ow'e Rabba eky'Abammoni, ni Makiri mutabane wa Ammieli ow'e Lodebari, ni Barazillai Omugileadi ow'e Rogelimu,

1 Bakyabazinga 20:22

Agho omulanzi ole yaaja ye kyabazinga wa Isiraeli, yaamukoba ati: “Ja weenhweze era weetegereze bukalamu ky'onaakola, kuba omwaka bwe gunaaba nga gwinhama, kyabazinga wa Siria aidha kwira akulumbe.”

1 Bakyabazinga 20:26

Omwaka bwe gwali nga guli kwinhama, yaasoloza Abasiria, yaaja nabo mu Afeki okulwanisa Abaisiraeli.

2 Bakyabazinga 13:20

Agho Elisha yaafa, baamuziika. Ghaabaagho ebikunsu eby'Abamoabu ebyaidhanga okulumba ensi Isiraeli agho ng'omwaka gwakainhama.

1 Ebyomubyanda 19:19

Bakyabazinga boonaboona abaali abagheereza ba Hadadezeri bwe baabona nga Abaisiraeli babaghangwire, baakola endagaano ey'emiraala ni Daudi, Daudi oyo yaabafuganga. Agho Abasiria baaloba kwirayo kabiri kubeera Bammoni.

Isaia 54:16

Bona, ninze ntonda omugheesi w'ebintu by'ekyuma, yaafuguta amanda ag'omuliro, yaagheesa eby'okulwanisa. Era ninze ntonda omwisirukale akozesa eby'okulwanisa ebyo okwita.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Ezekieli 21:20

Laga engira kyabazinga mw'anaabisa empiima okutuuka ku kibuga Rabba eky'Abammoni, n'engira mw'anaagibisa okutuuka e Buyudaaya ku kibuga Yerusalemu ekyezungulwirwa ebimante ebigumu.

Ezekieli 25:5

Ndifuula ekibuga Rabba kyaba kyayiro kya ngamiya, ate ebibuga by'omu Ammoni ebindi naabifuula bigo bya ntaama na mbuzi. Olwo mulimanha nga ninze Musengwa Katonda.”

Amosi 1:14

Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby'okwewogomamu. Ghaja kubaagho okuleekaana ku lunaku olw'olutalo, era okulwana kuja kuwuuma ng'oti ni kiwunga ow'amaani.

Amateeka Agokubiri 3:11

Kyabazinga ow'e Bashani oyo, Ogi, n'eyali akaasigairegho ku lulyo olw'Abarefa. Obuliri bwe nga bwa kyuma ekigumu einho. Bwali bugheza mita ina mu buleeyi, n'emita kumpi ibiri mu bugazi, ng'ojiira ku bipimo ebitongole abantu bye baapimisanga. Obuliri obwo bukaaliyo mu Rabba, ekibuga ky'Abamori.