1 Ebyomubyanda 19:7 - Baibuli Ekibono kya Katonda 2014

⁷ Era baapangisa ebigaali eby'omu lutalo emitwalo esatu n'enkumi ibiri (32,000), ni kyabazinga w'e Maaka n'eigye lye. Abo baidha baasimba weema dhaibwe okwolekera Medeba. Abammoni beesoloza okuva mu bibuga byaibwe, beetegeka okulwana olutalo.

1 Ebyomubyanda 19:7 Iomraidhean Croise

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

1 Ebyomubyanda 18:4

Daudi yaamunhagaku ebigaali eby'omu lutalo lukumi (1,000), n'abalwani ab'oku mbalaasi kasanvu (7,000), n'ab'oku bigere emitwalo ebiri (20,000). Yaasala eminho egy'embalaasi dhoonadhoona, aye yaalekagho edhimala okughaluza ebigaali eby'omu lutalo kikumi dhonka.

1 Ebyomubyanda 19:8

Daudi bwe yakiwulira yaatuma Yoabu n'eigye lyonalyona ery'abalwani ab'amaani.

2 Ebyomubyanda 14:9

Agho ghaabaagho Omwethiopia ayetebwa Zera, yaabalumba n'eigye lya balwani akakaire kalamba (1,000,000), n'ebigaali eby'omu lutalo ebikumi bisatu. Yaidha yaatuukira irala e Maresha.

Okuvaayo 14:9

Abalwani ba Misiri boonaboona, n'embalaasi dhaibwe dhoonadhoona, n'ebigaali byaibwe eby'omu lutalo, n'abavuzi boonaboona, baabingirira Abaisiraeli baabaagaana nga basimbye weema dhaibwe ku mbali kw'enhandha, kumpi n'ekibuga Pihahirothi emberi wa Baaluzefoni.

Isaia 15:2

Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Okubala 21:30

Abaana n'abaidhukulu tubazikiriiza okuva e Heshiboni okutuuka e Diboni, twabasaaniagho mu bibuga, okutuukira irala e Medeba.”

Yoshua 13:16

Ekiketezo kyaibwe kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko ekyo, n'omuseetwe ogwezungulwire ekiketezo eky'e Medeba.

Yoshua 13:9

Ekiketezo kino, kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko, era kyatwalizaamu n'omuseetwe oguva e Medeba okutuuka e Diboni.

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.