1 Ebyomubyanda 19:6 - Baibuli Ekibono kya Katonda 2014

⁶ Kyabazinga Hanuni n'Abammoni bwe baabona nga baleeteire Daudi okubakyagha, baasasula kilo dha feeza emitwalo esatu n'enkumi ina (34,000), okupangisa ebigaali eby'omu lutalo n'abavuzi b'embalaasi okuva e Mesopotamia, n'e Aramu Maaka ekya Siria, n'e Zoba.

1 Ebyomubyanda 19:6 Iomraidhean Croise

Amainhama 34:30

Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

2 Samueli 8:3

Bwe yamala yaaghangula kyabazinga w'e Zoba ng'ayetebwa Hadadezeri mutabane wa Rehobu. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Ebyomubyanda 18:5

Abasiria ab'e Damasiko bwe baidha okubeera Hadadezeri okulwana, Daudi yaabaitamu abasaadha emitwalo ebiri n'enkumi ibiri (22,000).

1 Ebyomubyanda 18:9

Kyabazinga Tou ow'e Hamathi bwe yawulira nga Daudi aghangwire eigye lyonalyona erya Hadadezeri.

1 Ebyomubyanda 19:5

Daudi bwe baamukobera ebibairegho, yaatuma abakwenda y'abagheereza abo, kuba baali baswaziibwa inho. Yaabakoba basigale mu kibuga Yeriko okutuusa ng'ebirevu byaibwe bimaze okumera memale baireyo.

2 Ebyomubyanda 18:3

Ahabu yaabuuza Yehoshafati ati: “Onaaja ninze okulumba Ramothi eky'e Gileadi?” Yehoshafati yaamwiramu ati: “Nze n'iwe tuli kirala. Abantu bange n'ekirala n'ababo. Twidha kuja n'iwe.”

2 Ebyomubyanda 18:5

Agho kyabazinga wa Isiraeli yaasoloza abalanzi ebikumi bina (400), yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

2 Ebyomubyanda 18:9

Kyabazinga wa Isiraeli ni kyabazinga Yehoshafati owa Buyudaaya, baali bavaire ebivaalo byaibwe eby'obwakyabazinga, nga batyaime, buli muntu ku kityamo kye eky'obwakyabazinga, agho gha kifo aghakubirwa engaano, okumpi n'omulyango ogwingira Samaria. Abalanzi boonaboona baali bali kulanga agho mu maiso gaibwe.

2 Ebyomubyanda 25:6

Era yaapangisa n'abaisirukale ab'amaani abaziramu ntete emitwalo ikumi (100,000), ng'abatoola mu Isiraeli, ku mughendo gwa talanta edha feeza kikumi.

2 Ebyomubyanda 27:5

Yaalwanisa kyabazinga w'Abammoni yaamughangula. Abammoni abo baamugha omusolo mu mwaka ogwo, nga gwa talanta kikumi (100) edha feeza, n'ensawo omutwalo mulala (10,000) edh'engaano, n'ensawo omutwalo mulala (10,000) edhindi edha sayiri. Era baamugha omusolo ogwaga n'ogwo, mu mwaka ogwokubiri ni mu gwokusatu.

Zabbuli 14:3

Aye boonaboona baaghaba, boonaboona baidhwire bukupya. Ghazira akola kituufu, ghazira naire omulala ati.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Luka 10:16

“Awulira imwe aba awuliire nze; aloba okubawulira aba alobye kuwulira nze; ate aloba okuwulira nze aba alobye kuwulira ole eyantuma.”

1 Ab'e Thessalonika 4:8

Kale, aloba bino aba talobye bya bantu buntu, aye aba alobye bya Katonda oyo abagha Mwoyo we Omutukuvu.

1 Samueli 13:4

Abaisiraeli boonaboona baawulira bati Saulo aghangwire enkambi y'abalwani Abafilisiti. Era baawulira bati Abafilisiti beesiniirwa Abaisiraeli. Kale abantu baayetebwa okuja okweyimba ku Saulo e Giligali.

1 Samueli 14:47

Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.

1 Samueli 27:12

Agho Akishi yeesiga Daudi, ng'akoba mule ati: “Bwenebwene Daudi yeereeteire abantu be Abaisiraeli okumukyayira irala, n'olw'ekyo aidha kubanga mugheereza wange buliidho.”