1 Ebyomubyanda 18:4 - Baibuli Ekibono kya Katonda 2014

⁴ Daudi yaamunhagaku ebigaali eby'omu lutalo lukumi (1,000), n'abalwani ab'oku mbalaasi kasanvu (7,000), n'ab'oku bigere emitwalo ebiri (20,000). Yaasala eminho egy'embalaasi dhoonadhoona, aye yaalekagho edhimala okughaluza ebigaali eby'omu lutalo kikumi dhonka.

1 Ebyomubyanda 18:4 Iomraidhean Croise

Amainhama 49:6

Tiryeyimba nabo mu ntegeka dhaibwe edh'okukola ebibi, waire okutyama nabo mu neekobaano dhaibwe; kuba mu busungu bwaibwe baita abasaadha, era mu iralu lyaibwe baatema ente ebigere.

2 Samueli 8:4

Daudi yaamunhagaku abalwani ab'oku mbalaasi lukumi na lusanvu (1,700), n'ab'oku bigere emitwalo ebiri (20,000). Yaasala eminho egy'embalaasi dhoonadhoona, aye yaalekagho edhimala okughaluza ebigaali eby'omu lutalo ekikumi dhonka.

1 Bakyabazinga 10:26

Solomoni yasoloza ebigaali eby'omu lutalo n'abavuzi b'embalaasi. Yali n'ebigaali eby'omu lutalo lukumi na bina (1,400), n'abavuzi b'embalaasi omutwalo mulala n'enkumi ibiri (12,000) abandi yaabata mu bibuga ebikuumirwamu ebigaali eby'omu lutalo, ate abandi yaabata mu Yerusalemu, mwene ye yali.

1 Bakyabazinga 4:2

era bano n'abakungu ab'oku ntwiko: Azaria mutabane wa Zadoki, n'eyali kabona.

1 Ebyomubyanda 18:3

Bwe yamala yaaghangula ni kyabazinga Hadadezeri ow'e Zoba, ekiri okumpi n'e Hamathi. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Ebyomubyanda 18:5

Abasiria ab'e Damasiko bwe baidha okubeera Hadadezeri okulwana, Daudi yaabaitamu abasaadha emitwalo ebiri n'enkumi ibiri (22,000).

Zabbuli 20:7

Abalwani abandi beesigulira ku bigaali eby'omu lutalo, ate abandi ku mbalaasi, aye ife twesigulira ku maani ga Musengwa Katonda waife.

Amateeka Agokubiri 17:16

Era kyabazinga oyo atagezangaku kufuna mbalaasi kamaala, waire okwizaayo abantu e Misiri ayongere okufunayo embalaasi edhisingagho obungi. Kuba Musengwa Katonda yakoba ati timuja kwirayo eyo kabiri.

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”

Yoshua 11:9

Yoshua yaabakola nga Musengwa Katonda bwe yamulagira: yaasala embalaasi dhaibwe eminho, era yaayokya ebigaali byaibwe eby'omu lutalo omuliro.