1 Ebyomubyanda 18:3 - Baibuli Ekibono kya Katonda 2014

³ Bwe yamala yaaghangula ni kyabazinga Hadadezeri ow'e Zoba, ekiri okumpi n'e Hamathi. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Ebyomubyanda 18:3 Iomraidhean Croise

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

2 Samueli 8:3

Bwe yamala yaaghangula kyabazinga w'e Zoba ng'ayetebwa Hadadezeri mutabane wa Rehobu. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Ebyomubyanda 18:2

Yaaghangula n'ensi Moabu, Abamoabu baafuuka bagheereza be era baamughanga omusolo.

1 Ebyomubyanda 18:4

Daudi yaamunhagaku ebigaali eby'omu lutalo lukumi (1,000), n'abalwani ab'oku mbalaasi kasanvu (7,000), n'ab'oku bigere emitwalo ebiri (20,000). Yaasala eminho egy'embalaasi dhoonadhoona, aye yaalekagho edhimala okughaluza ebigaali eby'omu lutalo kikumi dhonka.

2 Ebyomubyanda 8:3

Agho Solomoni oyo yaaja, yaanhaga ekiketezo ky'e Hamathi n'eky'e Zoba.

Ezera 4:20

Era bakyabazinga ab'amaani baafuganga Yerusalemu ekyo, era baafuganga n'ekiketezo ekyo kyonakyona ekiri ere ng'osomoike omwiga Eufurate, nga baasolozaamu empooza, n'omusolo, n'ebisale ebindi.

Zabbuli 60:1

Wo Katonda waife, otuswire ere era waatutentena. Twakusungughaza aye twiriremu.

Zabbuli 60:2

Oleeteire ensi yaife okutengeeta, yeetema agatanda. Tukweghembye ziba agatanda ago, kuba eja kwawukamu.

Okuvaayo 23:31

Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

1 Samueli 14:47

Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.