1 Ebyomubyanda 18:11 - Baibuli Ekibono kya Katonda 2014

¹¹ Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano: Edomu, Moabu, Ammoni, Filisitia, ni Amaleki.

1 Ebyomubyanda 18:11 Iomraidhean Croise

1 Bakyabazinga 7:51

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Musengwa Katonda.

2 Bakyabazinga 12:18

Aye Yoashi kyabazinga wa Buyudaaya yaatoola ebintu byonabyona badhaadha be Yehoshafati ni Yehoramu ni Ahazia, abaaliku bakyabazinga ba Buyudaaya bye baaghaayo ye Musengwa Katonda, era n'ebyo mwene bye yali aghaireyo, ni zaabu yeenayeena eyali mu iterekero ly'eisinzizo ni mu ly'ekisaagaati kya kyabazinga, yaabigheereza Hazaeli kyabazinga wa Siria. Olwo Hazaeli yaava mu Yerusalemu, yaaja.

1 Ebyomubyanda 18:10

Kale yaatuma mutabane we Hadoramu ye Daudi oyo n'obukwenda obw'okumulamusa n'okumukangaalusa olw'okulwanisa Hadadezeri n'amughangula; kuba Hadadezeri oyo yalwanisanga Tou emikuzi kamaala. Hadoramu oyo yaatwalira Daudi ebintu ebya feeza, n'ebya zaabu, n'eby'ekyuma eky'ekikomo.

1 Ebyomubyanda 18:12

Agho Abishai mutabane w'omukazi eyayetebwanga Zeruia, yaita Abaedomu omutwalo mulala na kanaana (18,000) mu Kiiko ekyetebwa eky'Omuunhu.

1 Ebyomubyanda 22:14

Nze ku lwange mu bukaluubirivu obungi, nkoze kyonakyona ekisoboka, naateeragho eisinzizo talanta edha zaabu edhighera emitwalo eikumi (100,000) ni talanta edha feeza edhighera akakaire akalamba (1,000,000) n'ekyuma eky'ekikomo, taaku n'ekyuma ekigumu einho, ebitasoboka kupimika olw'obungi bwabyo. Era naataagho n'emiti, n'amabaale. Weena okwo kw'obe oyongereze ebindi.

1 Ebyomubyanda 26:20

Abalevi abandi, nga n'omuli ni Ahiya, n'abaakuliranga eiterekero ly'eisinzizo n'amaterekero g'ebintu ebigheereibwayo okuba ebya Musengwa Katonda.

1 Ebyomubyanda 29:14

“Aye nze n'abantu bange katyo niife baani, twena okukoba tuti tughanga okukugha iwe ekintu kyonakyona nga twenda? Byonabyona niiwe obitugha, era ku bibyo by'otugha kwe tutoire okukutonera.

2 Ebyomubyanda 5:1

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Katonda.

Okuvaayo 35:5

Buli muntu atoole ekigheebwayo akighe Musengwa Katonda. Kiisi ali n'omwoyo omugabi aleetere Musengwa Katonda ekigheebwayo, nga ku bino: zaabu, feeza, n'ekyuma eky'ekikomo.

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Yoshua 6:19

Ebintu byonabyona ebya feeza, ni zaabu, n'eby'ekikomo, n'eby'ekyuma ekigumu einho, bitukuvu bya Musengwa Katonda. Era bija kuteebwa mu biterekerwa Musengwa Katonda.”

Yoshua 6:24

Bwe baamala okubatoola mu kibuga, baakikumaku omuliro kyaya kyonakyona n'ebyakirimu byonabyona okutoolaku feeza, ni zaabu, n'ebintu ebyakolebwa mu kikomo, ni mu kyuma ekigumu einho, ebyateebwa mu biterekerwa Musengwa Katonda.

1 Samueli 30:13

Daudi yaamubuuza ati: “Musengwa wo naani? Era ova gha?” Omumisiri yairamu ati: “Nze ndi mwisuka Mumisiri, omugheereza w'Omuamaleki. Musengwa wange yandekulira ghano kuba nalwala, buti ghabiseegho enaku isatu.

1 Samueli 30:20

Daudi era yaanhaga entaama, n'embuzi, n'ente ebyo byonabyona baabikulembezaamu, nga mwene ali kubivaaku einhuma. Era baakoba bati: “Guno munhago gwa Daudi.”