1 Ebyomubyanda 17:11 - Baibuli Ekibono kya Katonda 2014

¹¹ Enaku dho bwe dhiriwaaku n'ofa, n'oja okweyimba ku badhaadha bo abaafa, ndikusikiza owundi ku baana bo beene be weezaalira, naamutaagho okuba kyabazinga era naaleetera obwakyabazinga bwe okukakata.

1 Ebyomubyanda 17:11 Iomraidhean Croise

Amainhama 15:15

Aye iwe olija eri badhaadha bo ng'oli miraala oliziikibwa ng'oghangaaliire irala bukalamu.

1 Bakyabazinga 1:21

Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

1 Bakyabazinga 8:19

Aye ti niiwe oja okulizimba. Mutabane wo, iwe mwene y'olizaala, n'alinzimbira eisinzizo.’

1 Bakyabazinga 8:20

“Mpegaano Musengwa Katonda atuukiriiza kye yasuubiza, kuba nze nsikiire lata wange Daudi, n'atyama ku kityamo eky'obwakyabazinga bwa Isiraeli nga Musengwa Katonda bweyasuubiza. Era nzimbiire Musengwa Katonda wa Isiraeli oyo eisinzizo,

1 Ebyomubyanda 17:10

mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

1 Ebyomubyanda 17:12

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

1 Ebyomubyanda 28:5

Musengwa Katonda oyo yampa abaana kamaala era mu batabane bange boonaboona, yaalondamu Solomoni okutyama ku kityamo eky'obwakyabazinga bwa Isiraeli, Musengwa Katonda mwene oyo bwe yataagho.

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

1 Ebyomubyanda 29:28

Yaafa ng'aghangaire inho, nga mukaire mwenemwene, nga mukombe, era nga wa kitiibwa. Mutabane we Solomoni yaamusikira ku bwakyabazinga.

2 Ebyomubyanda 6:9

Aye ti niiwe oja okulizimba. Mutabane wo, iwe mwene y'olizaala, n'alinzimbira eisinzizo.’

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 89:5

Wo Musengwa Katonda, eby'omu igulu byonabyona ka bikusaake olw'ebyewuunhio by'okola; n'abatukuvu abatyama mu igulu ka bembe obwesigwa bwo,

Yeremia 33:17

Nze Musengwa Katonda nsuubiza nti buliidho ghaidha kubangagho omuntu ku baidhukulu ba Daudi, anaabanga kyabazinga wa Isiraeli.

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

Ebikolwa by'Abatume 2:29

“Baganda bange, ndidha kwogera ku dhaadha Daudi nga titya. Yafa yaaziikibwa n'amagombe ge gali ghano n'okutuusa olwaleero.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.