1 Ebyomubyanda 16:8 - Baibuli Ekibono kya Katonda 2014

⁸ Mwenamwena musiime Musengwa Katonda, musaake eriina lye, mumanhise amaghanga agandi ebyo bye yakola.

1 Ebyomubyanda 16:8 Iomraidhean Croise

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

1 Ebyomubyanda 16:34

Kale ni mwenamwena musiime Musengwa Katonda kuba mulungi, era okugonza kwe tikukoma, kubaagho byanda na byanda.

Zabbuli 118:1

Bakagwa, musiime Musengwa Katonda kuba mulungi, okugonza kwe tikukoma kubaagho byanda na byanda.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Ebikolwa by'Abatume 9:14

era ni ghano ng'ali n'obuyinza obumugheereibwa Bakabona Abakulu ageme abo abakusinza.”

1 Ab'e Korintho 1:2

Tughandiikira Ekikunsu eky'Abaikiriza mu Kurisito ekya Katonda ekiri mu Korintho abo boonaboona abaayetebwa okuba abatuukirivu mu Kurisito Yesu, ghalala n'abantu boonaboona abali buli ghantu, abeeghemba mu liina lya Yesu Kurisito Musengwa waibwe era owaife.