1 Ebyomubyanda 16:4 - Baibuli Ekibono kya Katonda 2014

⁴ Daudi yaataagho abandi ku Balevi okugheerezanga mu maiso g'Esanduuku ya Musengwa Katonda nga basaba, beebaza, era baasaaka Musengwa Katonda, oyo Katonda wa Isiraeli.

1 Ebyomubyanda 16:4 Iomraidhean Croise

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 33:20

Yaazimbagho alutaari, yaagituuma eriina Eli Elohe Isiraeli.

1 Bakyabazinga 8:15

Yaabakoba ati: “Musaake Musengwa Katonda wa Isiraeli, atuukiriiza kye yasuubiza lata wange Daudi, bwe yakoba ati,

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 16:3

era yaagabula abantu boonaboona: buli muntu, k'abe musaadha oba mukazi, yaamugha omugaati, n'ekinofu eky'emamba, n'ekitole eky'ebibala eby'emizabbibu ebikalu.

1 Ebyomubyanda 16:5

Asafu ye baataagho okuba omukulu, Zekaria nga n'amwiririra. Ate bano baabataagho okukubanga entongooli n'endingidi: Yeiyeli, Shemiramothi, Yehieli, Mattithia, Eliabu, Benaia, Obededomu, ni Yeiyeli owundi. Asafu n'eyakubanga ebide,

1 Ebyomubyanda 16:8

Mwenamwena musiime Musengwa Katonda, musaake eriina lye, mumanhise amaghanga agandi ebyo bye yakola.

1 Ebyomubyanda 24:3

Kyabazinga Daudi yagabamu bakabona mu bikunsu ng'ajiira ku mirimo gye baali baja okukolanga. Ekyo yakikola ng'ayambibwaku Zadoki mwidhukulu wa Eleazari, ni Ahimeleki mwidhukulu wa Ithamari.

1 Ebyomubyanda 25:1

Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

1 Ebyomubyanda 6:31

Ghaligho abantu Daudi be yataagho okukulira eby'okwemba mu kifo eky'okusinzizaamu Musengwa Katonda, ng'Esanduuku y'Endagaano bamaze okugingiza mu kifo ekyo.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

Ezera 3:10

Abazimbi bwe baatoolera okutaagho omusingi gw'eisinzizo lya Musengwa Katonda, bakabona nga bali mu bivaalo byaibwe eby'obwakabona baidha n'amagwala, n'Abalevi ab'oku nda ya Asafu boona baidha n'ebide, nga boonaboona baidha okusaaka Musengwa Katonda, nga Daudi kyabazinga wa Isiraeli bwe yalagira.

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Zabbuli 103:2

Ka nsaake Musengwa Katonda n'omwoyo gwange gwonagwona, ndobe na kwerabira ebirungi byonabyona by'ankoleire.

Zabbuli 105:5

Muteerabiranga ebyewuunhio, n'eby'amaani bye yakola era n'ensala ye yasalamu emisango,

Zabbuli 106:48

Musengwa Katonda asaakibwe, oyo Katonda wa Isiraeli! Asaakibwe buti era n'ebyanda n'ebyanda. Abantu boonaboona ka bakobe bati: “Amiina!” Mwenamwena musaake Musengwa Katonda!

Zabbuli 37:1

Tofangayo ku babi, oba okwesiimisanga abakola ebibi,

Zabbuli 70:1

Wo Katonda mponia. Wo Musengwa Katonda yangughaku ombeere.

Zabbuli 72:18

Musengwa Katonda asaakibwe, Katonda wa Isiraeli, ni yenka akola ebyewuunhisa.