1 Ebyomubyanda 15:16 - Baibuli Ekibono kya Katonda 2014

¹⁶ Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 15:16 Iomraidhean Croise

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

1 Ebyomubyanda 16:42

Hemani ni Yeduthuni era n'abaakuumanga amagwala, n'ebide, n'ebivuga ebindi byonabyona bye baakubanga okwembera Katonda. Ate batabane ba Yeduthuni yaabata ku gw'okukuumanga emiryango.

1 Ebyomubyanda 16:5

Asafu ye baataagho okuba omukulu, Zekaria nga n'amwiririra. Ate bano baabataagho okukubanga entongooli n'endingidi: Yeiyeli, Shemiramothi, Yehieli, Mattithia, Eliabu, Benaia, Obededomu, ni Yeiyeli owundi. Asafu n'eyakubanga ebide,

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

1 Ebyomubyanda 6:16

Levi yazaala Gereshomu, ni Kohathi, ni Merari:

2 Ebyomubyanda 20:19

Abalevi abasimuka mu Kohathi ni mu Kora, baayemerera, baasaaka Musengwa Katonda, Katonda wa Isiraeli mu mamiro ag'amaani einho.

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

2 Ebyomubyanda 5:12

Ate Abalevi abembi boonaboona: Asafu, ni Hemani, ni Yeduthuni, ghalala ni batabane baibwe n'aboluganda lwaibwe, baayemerera ku luuyi lw'alutaari olw'e buvandhuba nga bali mu bivaalo ebyakolebwa mu lugoye olughegheevu era nga bagemye ebide, n'entongooli, n'endingidi. Baali nga beemereire ghalala ni bakabona kikumi n'abiri (120) abafuuyi b'amagwala.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

2 Ebyomubyanda 7:6

Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

Nehemia 12:27

Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Nehemia 12:36

Hoshaia oyo era yaaja n'aboluganda lwe abandi bano: Shemaia, ni Azareli, ni Milalai, ni Gilalai, ni Maai, ni Nethaneli, ni Yuda, ni Hanani, abaajanga nga bakuba ebivuga ng'ebya kyabazinga Daudi omuntu wa Katonda. Ezera omunamateeka n'eyabakulemberamu.

Nehemia 12:43

Ku lunaku olwo baaghaayo emisengo kamaala inho, nga basagamba olw'okuba Katonda yabagha eisanhu lingi inho. Abakazi n'abaana boona baasagamba, era okusanhuka okwali mu Yerusalemu kwatuuka ghala inho okuva agho.

Nehemia 12:46

Okuviira irala mu biseera bya Daudi ni Asafu, ghaabangagho akulira abembi era ghaabangagho n'enhembo edh'okusaaka n'edh'okwebaza Katonda.

Zabbuli 100:1

Abantu mwenamwena ab'ensi mukubire Musengwa Katonda emizira.

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 150:5

Mumusaake nga mukuba obude obutono, mumusaake nga mukuba ebide ebinene.

Zabbuli 81:1

Mwembere ghaigulu olwembo olusaaka Katonda oyo amaani gaife; mumukubire emizira oyo Katonda wa Yakobo.

Zabbuli 81:3

Mufuuwe eigwala ku Kibinuko eky'Okuboneka kw'Omwezi, ni ku lunaku lwe gutyaime ku ntebe.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Amosi 6:5

Mwembera ku ntongooli enhembo edh'ekigayaavu, era mweyiiyiza beene ebivuga ng'oti ni Daudi bwe yakola.

Ebikolwa by'Abatume 14:23

Bwe baamala okutaagho, abakulembeze mu kiisi Kikunsu ky'Abaikiriza mu Kurisito baabagemya Musengwa ye baikiriza, nga basaba era nga basiiba.

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.

Tito 1:5

Nakuleka mu Kurete omalirize ebyali bikaali kugondhooka, era oteegho abakulembeze ab'Ekikunsu eky'Abaikiriza mu Kurisito mu kiisi kibuga nga bwe nakulagira.