1 Ebyomubyanda 14:2 - Baibuli Ekibono kya Katonda 2014

² Agho Daudi yaakitegeera nga bwenebwene Musengwa Katonda amukakaisa ku bwa kyabazinga bwa Isiraeli, era ng'aleeteire obwakyabazinga obwo okugheebwa ekitiisa ku lw'abantu be Abaisiraeli.

1 Ebyomubyanda 14:2 Iomraidhean Croise

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

1 Ebyomubyanda 14:1

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, bazimbire Daudi ekisaagaati eky'obwakyabazinga.

1 Ebyomubyanda 14:3

Daudi ng'ali eyo mu Yerusalemu, yeeyongera okubayiza abakazi, yaazaala abaana abandi abalenzi n'abaghala.

1 Ebyomubyanda 17:17

Ate nga ekyo kyali kintu kitono inho ku iwe Katonda wange, kuba era osuubiiza bingi ku izaire lyange mu biseera eby'omu maiso. Era ebyo, iwe Musengwa Katonda wange obyoleike nze omuntu obuntu naabimanha.

2 Ebyomubyanda 2:10

Abantu bo abatema emiti ndidha kubafunira kilo dh'engaano ye bamaze okukuba edhigheza obukaire bubiri n'emitwalo amakumi ana (2,400,000), n'edha sayiri dhoona nga dhigheza kilo obukaire bubiri n'emitwalo amakumi ana (2,400,000), n'elita dh'omwenge ogw'emizabbibu emitwalo amakumi ana (400,000), n'omuzigo ogw'ebibala eby'emiti emyoliva nga gwona gugheza lita emitwalo amakumi ana (400,000).”

2 Ebyomubyanda 2:11

Agho Hiramu kyabazinga w'e Tiro yaaghandiikira Solomoni embaluwa emwiramu ng'ekoba eti: “Musengwa Katonda akufiire kyabazinga w'abantu be, lwa kuba agonza inho abantu be abo.

Danieli 2:30

Katonda, nze yandholeka ekyama ekyo ti lwa kuba nga ninze nsinga okuba omugezi mu bantu abandi boonaboona abalamu, aye lwa kuba yayenda akumanhise amakulu ag'ekirooto kyo era otegeere ebidhuubo ebyakwidhira mu mwoyo gwo.

Okubala 24:7

Amaadhi gaidha kubagwiranga mangi, ensigo dhaibwe dhibenga mu nimiro edhifukiriirwa obukalamu. Kyabazinga waibwe aidha kubanga mukologho okusinga kyabazinga Agagi, n'obwakyabazinga bwe bwidha kugheebwanga ekitiisa.

Amateeka Agokubiri 28:1

Musa yaakoba Abaisiraeli ati: “Bwe muneekalangulanga okuwulira Musengwa Katonda waimwe, ni mugema ebiragiro bye byonabyona bye ndi kubagha olwaleero, era ni mubituukiriza, Musengwa Katonda waimwe alibafuula eighanga eikologho erisinga amaghanga agandi goonagoona agali ku nsi.