1 Ebyomubyanda 12:8 - Baibuli Ekibono kya Katonda 2014

⁸ Mu kika kya Gadi mwavaamu abalwani ab'amaani, abaaja okweyimba ku Daudi mu kifo ye yeewogoma mu irungu. Baali n'obumanhirivu mu kulwana entalo, nga bakozesa engabo n'amafumo, nga bamoga bukambwe ng'oti mpologoma era nga basobola okuligita embiro ng'oti n'empuuli edh'oku nsozi.

1 Ebyomubyanda 12:8 Iomraidhean Croise

2 Samueli 1:23

Saulo ni Yonathani baali bagonzi era abasanhusa! Mu bulamu ni mu kufa tibaayawukana, baali ba mbiro okusinga enkookooma, era baaba ba maani okusinga empologoma.

2 Samueli 17:10

Olwo n'omulwani mwene aziramu ntete, ali n'omwoyo omugumu ng'oti gwa mpologoma, aidha kutekemuka atye kuba abantu boonaboona mu Isiraeli baidhi nga lata wo mulwani wa maani era nga n'abantu baali nabo balwani beene abaziramu ntete.

2 Samueli 2:18

Batabane ba Zeruia abasatu boona baali mu lutalo olwo: Yoabu, Abishai, ni Asaheli eyalumukanga einho ng'oti mpuuli.

2 Samueli 23:20

Benaia ow'e Kabuzeeli era mutabane wa Yehoiada, yali mulwani wa ntalo aziramu ntete. Yakola eby'amaani kamaala, nga n'omuli n'okwita abalwani ab'amaani ababiri Abamoabu. Olundi yaita empologoma ng'eri mu kiina, mu biseera eby'omugozi nga gugwire.

1 Ebyomubyanda 11:16

Mu kiseera ekyo Daudi yali mu kifo eky'okwewogomamu, ate ekikunsu eky'Abafilisiti nga kisimbye enkambi yaakyo e Bethelehemu.

1 Ebyomubyanda 11:22

Benaia ow'e Kabuzeeli era mutabane wa Yehoiada, yali mulwani wa ntalo aziramu ntete. Yakola eby'amaani kamaala, nga n'omuli n'okwita abalwani ab'amaani ababiri Abamoabu. Olundi yaita empologoma ng'eri mu kiina, mu biseera eby'omugozi nga gugwire.

1 Ebyomubyanda 12:16

Mu kika kya Benjamini n'ekya Yuda mwavaamu abantu baaja okweyimba ku Daudi mu kifo ye yeewogoma.

1 Ebyomubyanda 12:7

Yoela ni Zebadia, batabane ba Yerohamu ow'e Gedori.

1 Ebyomubyanda 12:9

Amaina ag'abalwani abo ni gano nga bwe bairaganwangaku mu mase gaibwe: Ezeri nga n'abakulira, kwairaku Obadia, kwairaku Eliabu,

2 Ebyomubyanda 25:5

Agho Amazia yaasoloza abasaadha boonaboona ab'omu kika kya Yuda n'ab'omu kya Benjamini, yaabagabamu ebikunsu eby'abaisirukale ng'ajiira ku nda dha baiseibwe, nga bakulemberwa abaduumizi b'abaisirukale olukumi olukumi n'ekikumi ekikumi. Yaabala abo abaali nga bagheziiza emyaka amakumi abiri egy'obukulu n'okusingagho. Yaakizuula nga bagheramu abasaadha emitwalo amakumi asatu (300,000) abalondeibwa n'obwegendereza, nga basobola okuja mu lutalo, era nga bali n'obumanhirivu mu kulwanisa amafumo n'engabo.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Ensambo 6:5

Omuntu oyo mwewonienga mangu ng'empongo bwe yeewonia mu ngalo edh'omuyiizi, oba ng'enhonhi bwe yeewonia omutego ogw'omutezi.

Olwembo 8:14

Omugonzi wange iwe, yangughaku oidhe ng'oti n'empuuli, oba ng'oti n'empongo ento ku nsozi edhimeraku ebiwoomesa emere.

Yeremia 46:9

Muduumire embalaasi dhije dhirumbe, n'ebigaali eby'omu lutalo biwuluguke embiro! Imwe abalwanisa engabo ab'e Ethiopia n'ab'e Puti, muje mulumbe. N'imwe abakugu mu kulasa obusaale ab'e Ludi, muje mulumbe.’ ”

1 Samueli 23:14

Daudi yaabanga eyo nga yeegisiisa mu kiketezo eky'oku nsozi, mu irungu ery'e Zifu. Era Saulo yaamuyiiganga buli lunaku, aye Katonda yaaloba kumughaayo mu ngalo dhe.

1 Samueli 23:29

Daudi yaava agho, yaaja mu kiketezo ekyayetebwanga Engedi, yeegisa eyo.

1 Samueli 24:22

Daudi yaikiriza yaalayirira Saulo atyo. Agho Saulo yairayo ewuwe, aye Daudi n'abasaadha be bairayo mu kifo kyaibwe eky'okwewogomamu.