1 Ebyomubyanda 12:18 - Baibuli Ekibono kya Katonda 2014

¹⁸ Agho omwoyo gwa Musengwa Katonda gwaidha ku Amasai omukulu wa bale amakumi asatu, yaakoba ati: “Wo Daudi, ife tuli babo wo iwe omwana wa Yesse, ife tuli ku luuyi lwo! Emiraala gibenga n'iwe, era gibenga n'abo abakubeera, kuba Katonda wo n'akubeera.” Agho Daudi yaabasangaaza, yaabafuula bakulu mu igye lye.

1 Ebyomubyanda 12:18 Iomraidhean Croise

2 Samueli 15:21

Aye Ittai yairamu kyabazinga Daudi ati: “Ndayira mu Musengwa Katonda omulamu, era naakulayirira Isebantu kyabazinga, nti buli y'onaajanga zeena yeenaajanga, ni bwe kinaabanga nga kyetaagisa kufa.”

2 Samueli 17:25

Abusalomu yali nga yalonda Amasa okukulira amagye ng'aira mu kifo kya Yoabu. Amasa oyo yali mutabane w'omusaadha eyayetebwanga Ithura Omuishimaeli, eyali afumbiirwa Abigaili mughala wa Nahashi, era muganda wa Zeruia eyazaala Yoabu.

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

1 Bakyabazinga 9:22

Aye ghazira muntu waire omulala ati ku Baisiraeli, Solomoni ye yafuulaku mwiru. Baabanga baisirukale be, na bakungu be, na baduumizi be ba magye, na bakulu be mu magye, na bavuzi be ba bigaali bya mu lutalo, na bavuzi be ba mbalaasi.

2 Bakyabazinga 10:15

Yehu bwe yava agho, yaayagaana Yehonadabu mutabane wa Rekabu ng'ali kwidha okumubona. Yehu yaamulamusa, yaamubuuza ati: “Iwe ninze tufaanania endowooza?” Yehonadabu yairamu ati: “N'ekyo kyene, isebo.” Yehu yaakoba ati: “Oba nga kityo bwekiri, kale mpe eno omukono gwo.” Yehonadabu yaamugha omukono gwe. Yehu yaamuniinisa mu kigaali kye eky'omu lutalo,

2 Bakyabazinga 10:5

Agho akulira ab'omu kisaagaati kya kyabazinga, n'abafuzi b'ekibuga, n'abakulembeze, n'abakuza ab'abaana, baagheereza obukwenda eri Yehu nga bakoba bati: “Ife tuli bagheereza bo, era twidha kukola byonabyona by'onaatulagira. Titwidha kutaagho muntu waire omulala ati okuba kyabazinga. Iwe kola kyonakyona ky'obona nga n'ekirungi.”

2 Bakyabazinga 9:32

Yehu yaakyukiza amaiso ghaigulu aghali dinisa, yaakoba ati: “Naani ali ku luuyi lwange? Naani?” Abalaawe ab'omu kisaagaati kya kyabazinga babiri oba basatu, baamulengezaaku.

1 Ebyomubyanda 11:11

Amaina ag'abalwani ab'amaani abo Daudi be yali nabo ni gano: Asooka nga ni Yashobeamu Omuhakimoni eyali nga n'akulira abasatu abo ab'amaani. Ono ghaligho omukuzi gwe yalwanisa eifumo lye n'abalwani ebikumi ebisatu, yaabaita boonaboona.

1 Ebyomubyanda 12:17

Daudi yaavaayo okubabona, yaabakoba ati: “Oba nga mwidhie okumbeera nga bakagwa bange, mbasangaaliire. Aye oba nga mwidhie kundyamu lukwe mumpeeyo y'abazigu bange, waire nga ghazira kabi ke mbakoze, Katonda wa badhaadha baife agwananga yaakibona yaababonereza.”

1 Ebyomubyanda 2:17

Abigaili yaazaala Amasa. Lata wa Amasa oyo nga ni Yetheri Omuishimaeli.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Matayo 12:30

“Oyo ataba ninze aba muzigu wange n'oyo atasololeza ghalala ninze asansaania.

Ab'e Galatia 6:16

Emiraala n'okusaasira bibe ku abo boonaboona abajiira ku iteeka lino ni ku bantu ba Katonda boonaboona.

Abalamuzi 13:25

Omwoyo gwa Musengwa Katonda gwatoolera okumugha amaani ng'ali ghagati gh'e Zora n'e Eshitaolo mu Mahanehedani.

Abalamuzi 3:10

Omwoyo gwa Musengwa Katonda gwaidha ku Othinieli, yaakulembera Abaisiraeli. Yaaja okulwana olutalo ni kyabazinga Kushani Rishathaimu ow'e Mesopotamia, era Musengwa Katonda yaaleetera Othinieli oyo okughangula.

Abalamuzi 6:34

Agho omwoyo gwa Musengwa Katonda gwaidha ku Gideoni, yaafuuwa endeka okweta ab'ekika kya Abiezeri baidhe y'ali.

Ruthi 1:16

Aye Ruthi yaamwiramu ati: “Lekera agho okunkoba oti nkuleke, oba oti ndekere okuja n'iwe. Gh'onaaja woonawoona zeena ghe nnaaja. Amaka g'onabangamu zeena ge nnaabangamu. Abantu bo n'abanaabanga abantu bange, era Katonda wo n'anaabanga Katonda wange.

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 16:5

Yaabairamu ati: “Na miraala. Ndidhie kughaayo musengo eri Musengwa Katonda. Mukole mwetukuze, mwidhe ninze okughaayo omusengo.” Agho yaatukuza Yesse ni batabane be, era yaabeeta ku kughaayo omusengo ogwo.

1 Samueli 22:7

Agho Saulo yaakoba abagheereza be abo ati: “Imwe Ababenjamini, muwulire bino: Mulowooza muti mutabane wa Yesse aidha kugha buli muntu ku imwe ebibandha n'amasamba g'emizabbibu? Oba muti mwenamwena aidha kubafuula baduumizi, muduumirenga ebikunsu eby'abaisirukale olukumi olukumi, n'eby'abaisirukale ekikumi ekikumi?

1 Samueli 24:12

Musengwa Katonda n'abe asale omusango ghagati ghange n'iwe, era n'abe akwesasuulizeeku olw'ebyo by'onkola, aye nze ku lwange nzira kibi kye ndidha kukukola.

1 Samueli 24:13

Ng'ensambo ey'abeira bw'ekoba eti, ‘Omubi n'akola ebibi’, nze tiidha kukukolaku kabi koonakoona.

1 Samueli 24:16

Daudi bwe yamala okukoba Saulo ebibono ebyo, Saulo yaakoba ati: “Mwana wange Daudi, bwenebwene niiwe oli kwogera?” Agho Saulo oyo yaatimbuka yaalira amaziga.

1 Samueli 8:12

Abandi aidha kubatangagho okuba abaduumizi b'ebikunsu eby'abaisirukale olukumi olukumi, n'abandi okuduumira ebikunsu eby'abaisirukale amakumi ataanu ataanu. Abandi aidha kubalimyanga mu masamba ge, bamukungulirenga ebirime bye, ate abandi bamugheekezenga eby'okulwanisa n'ebikozesebwa ku bigaali bye eby'omu lutalo.