1 Ebyomubyanda 11:20 - Baibuli Ekibono kya Katonda 2014

²⁰ Abishai muganda wa Yoabu, n'eyali akulira abalwani amakumi asatu ab'amaani. Abishai oyo yaalwanisa abantu ebikumi bisatu n'eifumo lye, yaabaita, yeekolera eriina mu balwani amakumi asatu abo.

1 Ebyomubyanda 11:20 Iomraidhean Croise

2 Samueli 18:2

Yagabaniamu eigye mu bikunsu bisatu nga byagayaga: ekikunsu ekirala ku ebyo nga kiduumirwa Yoabu, ekindi kyaduumirwa Abishai mutabane wa Zeruia era muganda wa Yoabu, ate ekindi kyaduumirwa Ittai Omugitti. Era kyabazinga Daudi yaakoba abantu ati: “Ninze mwene zeena ndidha kuja n'imwe.”

2 Samueli 2:18

Batabane ba Zeruia abasatu boona baali mu lutalo olwo: Yoabu, Abishai, ni Asaheli eyalumukanga einho ng'oti mpuuli.

2 Samueli 20:6

Daudi n'okukoba Abishai ati: “Sheba oyo mutabane wa Bikiri aidha kutukola ekibi ekiwulaku n'ekya Abusalomu kye yatukola. Kale twala ku bagheereza bange omubingirire, ng'akaali na kwefunira bibuga ebiriku ebimante ebigumu, kutufuukira kizibu.”

2 Samueli 21:17

Aye Abishai mutabane wa Zeruia yaidha yaayamba Daudi, yaalumba Omufilisiti oyo yaamwita. Agho abasaadha ba Daudi baamulayirira bati: “Iwe oli ng'oti itaala lya Isiraeli, kale tokairayo kuja n'ife mu lutalo, tiikulwa ng'eitaala eryo lizima.”

2 Samueli 3:30

Kale Yoabu ni muganda we Abishai, batyo bwe baita Abuneri nga bamwesasuulizaaku olw'okwita muganda waibwe Asaheli, mu lutalo olwali e Gibeoni.

1 Ebyomubyanda 11:19

ng'akoba ati: “Wo Musengwa Katonda, tikiribaagho nze okukola ekintu ng'oti n'ekyo. Olwo mba ng'ali kunhwa omusaayi ogw'abasaadha bano abaghaireyo obulamu bwaibwe ni baja okuganona!” Kale yaaloba kuganhwa. Ebyo n'ebikolwa abalwani abo abasatu ab'amaani bye baakola nga baziramu ntete naire.

1 Ebyomubyanda 11:21

Oyo n'eyasinga okumanhikana einho mu abo amakumi asatu, era yaafuuka muduumizi waibwe. Aye ti yatuuka ku idaala lya bale abasatu.

1 Ebyomubyanda 2:16

Era yaazaala n'abaana abaghala babiri: Zeruia ni Abigaili. Zeruia yaazaala abaana abalenzi basatu: Abishai, Yoabu, ni Asaheli.

1 Samueli 26:6

Daudi yaakoba Ahimeleki Omuhitti, ni Abishai muganda wa Yoabu era Mutabane Zeruia, ati: “Naani anaaja ninze ye Saulo, mu kifo ghe baasimba weema?” Abishai yaakoba ati: “Nze ndidha kuja n'iwe.”