1 Ebyomubyanda 11:16 - Baibuli Ekibono kya Katonda 2014

¹⁶ Mu kiseera ekyo Daudi yali mu kifo eky'okwewogomamu, ate ekikunsu eky'Abafilisiti nga kisimbye enkambi yaakyo e Bethelehemu.

1 Ebyomubyanda 11:16 Iomraidhean Croise

2 Samueli 5:17

Abafilisiti bwe baawulira nga Daudi asiigiibwa omuzigo okumufuula kyabazinga wa Isiraeli, boonaboona baaja okumuyiiga. Daudi bwe yakiwulira, yeegisa mu kifo eky'okwewogomamu.

1 Ebyomubyanda 11:17

Omwoyo gwadhuuba Daudi oyo, yaakoba ati: “Kale nguli ghaligho omuntu andeeteraku amaadhi ag'okunhwa agava mu nsulo eri ku mulyango ogw'ekibuga e Bethelehemu!”

Zabbuli 142:1

Ndirira Musengwa Katonda aidhe ambeere; era mmweghemba awulire okusaba kwange.

1 Samueli 10:5

Olwo oidha kuja ku lusozi lwa Katonda Abafilisiti ghe baata enkambi dhaibwe edh'abalwani. Bw'onaaba oli kutuuka ku kibuga, oidha kwagaana ekikunsu ky'abalanzi nga bali kwikirira okuva mu kifo ekigulumivu eky'okusinzizaamu, nga bali kulanga era nga bakulembeirwamu ab'entongooli, ab'obugoma, ab'endere, n'ab'endingidi.

1 Samueli 13:23

Abafilisiti abalwani baava mu nkambi, baaja okukuuma aghaingirirwa e Mikamashi.

1 Samueli 13:4

Abaisiraeli boonaboona baawulira bati Saulo aghangwire enkambi y'abalwani Abafilisiti. Era baawulira bati Abafilisiti beesiniirwa Abaisiraeli. Kale abantu baayetebwa okuja okweyimba ku Saulo e Giligali.

1 Samueli 22:1

Agho Daudi yaava mu kibuga ky'e Gathi, yaalumukira mu mpuku y'e Adullamu. Baganda be n'ab'endhu ya ise bwe baakiwulira, baaja eyo ye yali.

1 Samueli 22:4

Agho Daudi yaaleka abazaire be abo ewa kyabazinga w'e Moabu, era baasigala eyo entangama yoonayoona Daudi ye yamala ng'ali mu mpuku.

1 Samueli 22:5

Agho Gadi omulanzi yaakoba Daudi ati: “Lekera okuba mu mpuku, ja obenga mu kiketezo ky'e Buyudaaya.” Kale Daudi yaavaayo, yaaja mu kibira eky'e Herethi.

1 Samueli 23:25

Agho Saulo n'abasaadha be baaja okwagala Daudi. Aye ghaabaagho eyakobera Daudi. Kale Daudi yaaja aghali olubaale mu irungu ly'e Maoni.