1 Ebyomubyanda 11:14 - Baibuli Ekibono kya Katonda 2014

¹⁴ Aye mwene ng'ali ghalala n'abalwani be, baayemerera ghagati mu musiri baalwanisa Abafilisiti era baabaita. Musengwa Katonda yaabagha obughanguzi obw'amaani.

1 Ebyomubyanda 11:14 Iomraidhean Croise

2 Samueli 23:10

Mwene yaakana yaita Abafilisiti okutuusa omukono gwe bwe gwakoogha, engalo ni dhimwefunhira ku mpiima. Musengwa Katonda yaabagha obughanguzi obw'amaani olunaku olwo. Abaisiraeli baamala baira bwa kutoola ku baitibwa bintu.

2 Bakyabazinga 5:1

Agho olwatuuka ghaabaagho omusaadha nga ni Naamani, eyali omuduumizi w'eigye lya kyabazinga wa Siria. Naamani oyo yali muntu wa kitiibwa era ng'asiimibwa inho musengwa we, kuba olwa Naamani oyo, Musengwa Katonda yagha Siria obughanguzi. Naamani yali musaadha wa maani aziramu ntete naire, aye yali n'endwaire ey'ebigenge.

1 Ebyomubyanda 11:13

Oyo n'eyali ni Daudi e Pasi Dammimu, Abafilisiti ye baali beesololeiza okubalwanisa mu lutalo, mu musiri ogwalimu sayiri, Abaisiraeli abandi ni bamala balumuka.

1 Ebyomubyanda 11:15

Lwali lulala, abasatu ku balwani amakumi asatu abaakuliranga banaibwe mu igye, baaja ku lubaale Daudi ye yali kumpi n'empuku ey'e Adullamu. Ekikunsu eky'Abafilisiti kyali kisimbye weema dhaakyo mu kiiko eky'e Refa.

Zabbuli 144:10

iwe ogha bakyabazinga obughanguzi, n'owonia omugheereza wo Daudi.

Zabbuli 18:50

Katonda agha kyabazinga y'agonza obughanguzi, oyo ye yalonda amwoleka nga bw'amugonza einho, era oyo nga ni Daudi ni baidhukulu be ebyanda n'ebyanda.

Ensambo 21:31

Abantu basobola okutegeka embalaasi okulwana olutalo, aye Musengwa Katonda n'agaba obughanguzi.

1 Samueli 14:23

Olutalo lwaja, lwatuuka e Bethaveni n'okubisaagho. Atyo Musengwa Katonda yaawonia Isiraeli ku lunaku olwo.

1 Samueli 19:5

Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”