1 Ebyomubyanda 10:9 - Baibuli Ekibono kya Katonda 2014

⁹ Saulo baamuvaalulula eby'okulwanisa bye era baamutemaku omutwe baagutwala. Agho baatuma abakwenda woonawoona mu nsi y'Abafilisiti okutuusaayo amawulire ago, mu masabo ag'ebisinzibwa byaibwe ebitali Katonda era ni mu bantu boonaboona.

1 Ebyomubyanda 10:9 Iomraidhean Croise

2 Samueli 1:20

Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

1 Ebyomubyanda 10:10

Baata eby'okulwanisa bya Saulo mu isabo ly'emisambwa gyaibwe, era baakomerera omutwe mu isabo ly'omusambwa Dagoni.

1 Ebyomubyanda 10:4

Agho Saulo yaakoba eyamugemeranga eby'okulwanisa ati: “Sowolayo empiima yo onfumite, abo abatali bakekete balobe kwidha kunfumita na kuneesanhukizaaku.” Aye eyamugemeranga eby'okulwanisa yaaloba kumufumita olw'okutya einho. Kale Saulo mwene yaasowolayo empiima eyiye, yaagyetungaku.

1 Ebyomubyanda 10:8

Enkyo ku lunaku olwairirira ng'olutalo luwoire, Abafilisiti bwe baidha ku mirambo okugitoolamu ebivaalo, baayagaana nga Saulo ni batabane be abasatu nga baagwire ku lusozi Giliboa.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Matayo 14:11

baaguleetera ku lusowaani, baagugha omughala, omughala yaagutwalira inhina.