1 Bakyabazinga 7:8 - Baibuli Ekibono kya Katonda 2014

⁸ Endhu Solomoni mwene mwe yasulanga, yali mu luya lundi olwali emandhu w'Endhu eyo ey'Okulamuliramu. Enzimba yaayo yali n'endala n'ey'ebizimbe ebindi. Solomoni yaazimbira ni mukazi we, mughala wa kyabazinga w'e Misiri, endhu efaanana ng'oti n'eyo.

1 Bakyabazinga 7:8 Iomraidhean Croise

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

1 Bakyabazinga 7:9

Endhu edho dhoonadhoona, ng'otwaliiremu n'oluya lwonalwona okuva ku isinzizo okutuuka ku luya olukologho, dhaazimbibwa mu mabaale ag'omughendo, okuva ku musingi okutuukira irala ghaigulu ebimante ghe bikoma. Amabaale ago baagasala n'emisumeeni nga bajiira ku bipimo, era baagaseena bukalamu munda ni ku ngulu.

1 Bakyabazinga 9:16

Kyabazinga w'e Misiri yali yalumba Gezeri ekyo yaakigema, yaakyokya omuliro, yaita Abakanaani abaakirimu, yaakigha mughala we ng'ekirabo, bwe yabayira Solomoni.

1 Bakyabazinga 9:24

Mughala wa kyabazinga w'e Misiri bwe yamala okuva mu kyetebwa Ekibuga kya Daudi n'aira mu kisaagaati ekikye ku bubwe Solomoni kye yamuzimbira, agho Solomoni yaazimba ekifo kye baidhuzaamu eitaka ekyetebwa Millo.

2 Bakyabazinga 20:4

Agho Isaia bweyali ava aghali kyabazinga, aye ng'akaali na kubita mu luya olwa ghagati, Musengwa Katonda yaayogera naye.

2 Ebyomubyanda 8:11

Agho Solomoni yaatoola mukazi we mu kyetebwa Ekibuga kya Daudi, yaamuta mu kisaagaati ekikye kye yamuzimbira, ng'akoba ati: “Mukazi wange taidha kuba mu kisaagaati kya kyabazinga Daudi owa Isiraeli, kuba ebifo Esanduuku ya Musengwa Katonda bye yatuukamuuku biba bitukuvu.” Mukazi wa Solomoni oyo yali mughala wa kyabazinga w'e Misiri.