1 Bakyabazinga 7:7 - Baibuli Ekibono kya Katonda 2014

⁷ Yaazimba endhu eyetebwa Endhu ey'Ekityamo eky'Obwakyabazinga era eyatuumibwa eriina Endhu ey'Okulamuliramu. Omwo mwe yasaliranga emisango. Ku bimante eby'omu ndhu eyo kwonakwona, okuva ghansi okutuuka ghaigulu, yaaghembaku embaawo edh'omuvule.

1 Bakyabazinga 7:7 Iomraidhean Croise

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

1 Bakyabazinga 6:3

Baalizimbaku ekisasi emberi waalyo nga kya bugazi bwa mita ina n'ekitundu, ate nga mu buleeyi kya mita mwenda, okwagayaga n'obuleeyi bw'eisinzizo eryo.

Zabbuli 122:5

Omwo bakyabazinga boonaboona abaajanga nga basikira kyabazinga Daudi, mwe baatyamanga okulamula abantu baibwe.

Ensambo 20:8

Kyabazinga bw'atyama okusala emisango, anoonenkereza yaazuula buli kibi.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.