1 Bakyabazinga 5:3 - Baibuli Ekibono kya Katonda 2014

³ “Oidhi nga lata wange, olw'entalo dhe yali n'okulwana n'ensi dh'abazigu edhaali dhimwezungulwire ku ndhuyi dhoonadhoona, tiyaghanga kuzimbira Musengwa Katonda we isinzizo, okutuusa Musengwa Katonda oyo bwe yamusobozesa okughangula abazigu be boonaboona.

1 Bakyabazinga 5:3 Iomraidhean Croise

1 Bakyabazinga 8:19

Aye ti niiwe oja okulizimba. Mutabane wo, iwe mwene y'olizaala, n'alinzimbira eisinzizo.’

1 Ebyomubyanda 22:8

Aye Musengwa Katonda yandobera ng'akoba ati, ‘Walwana entalo kamaala, waita abantu kamaala inho. Kale olw'omusaayi omungi gwe wayugha nga mbona, toidha kunzimbira isinzizo.

1 Ebyomubyanda 28:2

Agho kyabazinga Daudi yaayemerera, yaakoba ati: “Muwulire bye nkoba, imwe baganda bange era bantu bange. Nayenda inho okuzimbira Esanduuku y'Endagaano ya Musengwa Katonda endhu mw'enaabanga, kibenga ekifo Katonda waife mw'afugira. Era nali ntegeike okuzimba,

1 Ebyomubyanda 28:3

aye Katonda yankoba ati, ‘Busa, otanzimbira isinzizo, kuba iwe oli mulwani wa ntalo era wayugha omusaayi gw'abantu.’

2 Ebyomubyanda 9:4

n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'ensambo abo abaagheerezanga eby'okunhwa ye baavaalangamu. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

Nehemia 5:17

Ate nga naliisanga abantu kikumi n'ataanu (150), nga mu abo n'omuli Abayudaaya, n'abakulembeze, n'abantu abaidhanga ye tuli nga bava mu maghanga agatwezungulwire.

Nehemia 5:18

Buli lunaku nagabulanga ente enume ndala, n'entaama ensavu einho mukaaga, n'enkoko kamaala. Era enaku eikumi buli lwe dhaawangaku, nga ngabula omwenge ogw'emizabbibu omuyaaka kamaala. Aye waire ebyo byali bityo, tyasaliraku bantu kundeeteranga mere eyandibaire egheebwa omufuzi, kuba abantu abo baakakibwanga okukola ebintu kamaala ebyabakaluubirizanga.

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 8:6

Wamugha okufuga ebintu byonabyona bye wakola. Ebintu byonabyona waabita mu buyinza bwe,

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

1 Ab'e Korintho 15:25

Kuba Kurisito ateekwa okufuga okutuusa lw'alityankirira abazigu be boonaboona.

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Amateeka Agokubiri 14:5

empongo, empuuli, endhobe, embuzi edh'omu nsiko, n'entaama edh'omu nsiko,

Yoshua 10:24

baabatwalira Yoshua. Yoshua yaayeta abasaadha be abalwani boonaboona baidha gh'ali. Yaakoba abakulembeze baibwe ati: “Museete ghano, mute ebigere byaimwe ku nkoto dha bakyabazinga bano.” Baaseeta baakola batyo.