1 Bakyabazinga 3:3 - Baibuli Ekibono kya Katonda 2014

³ Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

1 Bakyabazinga 3:3 Iomraidhean Croise

1 Bakyabazinga 11:34

Aye tiidha kutoola ku Solomoni oyo bwakyabazinga bwe bwonabwona. Ndidha kumuleka afuge ekiseera kye ky'anaamala nga mulamu, ku lw'omugheereza wange Daudi ye nalondamu, eyagemanga ebiragiro byange n'amateeka gange.

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

1 Bakyabazinga 11:6

Kale mu nsambo eyo Solomoni yaakola ekibi eri Musengwa Katonda, yaaloba kugumira ku Musengwa Katonda oyo, nga lata we Daudi bwe yamugumiraku.

1 Bakyabazinga 14:23

Baamusungughaza kuba boona beezimbira ku buli lusozi olugulumivu, na buli ghansi mu kinsense kya muti muzibirivu, baataagho ebifo ebigulumivu eby'okusinzizaamu, n'empango, n'ebifaananie eby'omusambwa omukazi, Ashera.

1 Bakyabazinga 14:8

Natoola obwakyabazinga ku b'endhu ya Daudi, naabukugha iwe. Aye tobaire ng'oti n'omugheereza wange Daudi, eyagema ebiragiro byange, n'agumira ku nze n'omwoyo gwe gwonagwona, n'akolanga ebyo byonka ebituufu mu maiso gange.

1 Bakyabazinga 15:11

Asa oyo yaakolanga ebituufu mu maiso ga Musengwa Katonda, nga dhaadha we Daudi bwe yakolanga.

1 Bakyabazinga 15:14

Aye waire Asa oyo tiyatoolagho bifo bigulumivu bye baasinzizangamu emisambwa, obulamu bwe bwonabwona yali mwesigwa ye Musengwa Katonda.

1 Bakyabazinga 15:3

Abiyamu oyo yaakola ebibi nga lata we bwe yakola. Yaaloba kugumira ku Musengwa Katonda we, nga dhaadha we Daudi bwe yamugumiraku.

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Bakyabazinga 22:43

Yehoshafati oyo yali wa mpisa nkalamu era nga tadhivaaku, ng'oti n'ise bweyali. Yaakolanga ebirungi Musengwa Katonda by'asiima, aye ebifo ebigulumivu eby'okusinzizaamu tiyabitoolagho. Abantu baasigala nga bakaagheerayo eyo emisengo era nga bakaaniokeza eyo obubbaani mu bifo ebyo.

1 Bakyabazinga 22:44

Era Yehoshafati oyo yaakola endagaano ey'emiraala ni kyabazinga wa Isiraeli.

1 Bakyabazinga 3:14

Era bw'onaabanga omuwulize ye ndi, n'ogemanga amateeka gange n'ebiragiro byange byonabyona, nga lata wo Daudi bwe yakolanga, ndikugha obughanguzi.”

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

1 Bakyabazinga 8:25

Wo Musengwa Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

1 Bakyabazinga 8:61

Kale imwe abantu be, mubenga beesigwa eri Musengwa Katonda waife, mujiirenga ku mateeka ge era mugemenga ebiragiro bye, nga bwe mukola mpegaano.”

1 Bakyabazinga 9:4

Weena bw'onaajiiranga ku bye nkoba, n'oba omwesigwa era omwesimbu nga lata wo Daudi bwe yakolanga, n'ogonderanga biragiro byange era n'ogemanga amateeka gange,

2 Bakyabazinga 12:3

Aye era ebifo ebigulumivu eby'okusinzizaamu tiyabitoolagho, kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 12:4

Agho Yoashi yaakoba bakabona ati: “Empiiya dhoonadhoona edhiva mu bintu ebigheebwayo ye Musengwa Katonda edhireetebwa mu isinzizo, edho nga n'empiiya kiisi muntu dh'agerekerwa okugha, era oteeku n'edho omuntu dh'aba nga yeeyamye mwene okugha,

2 Bakyabazinga 14:3

Amazia yakola ebituufu Musengwa Katonda by'asiima, aye tiyatuuka ku ebyo dhaadha we Daudi bye yakola. Amazia oyo yakola ebyo byonabyona lata we Yoashi bye yakolanga.

2 Bakyabazinga 14:4

Aye ebifo ebigulumivu eby'okusinzizaamu tibaabitoolagho. Abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 15:35

Yaazimba omulyango ogw'eitale ogw'eisinzizo lya Musengwa Katonda. Aye ate ebifo ebigulumivu eby'okusinzizaamu tiyabitoolagho. Kale abantu baasigala nga bakaagheerayo emisengo n'okuniokeza obubbaani mu bifo ebyo.

2 Bakyabazinga 15:4

Aye ate ebifo ebigulumivu eby'okusinzizaamu tiyabitoolagho. Kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 18:22

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati, ‘Mwidha kusinzizanga ku alutaari ey'omu Yerusalemu yonka?’

2 Bakyabazinga 18:4

Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Ebyomubyanda 15:17

Aye waire Asa oyo tiyamaliragho irala mu Isiraeli bifo bigulumivu bye baasinzizangamu, obulamu bwe bwonabwona yali mwesigwa ye Musengwa Katonda.

Zabbuli 145:20

Musengwa Katonda akuuma obulamu bw'abo abamugonza, aye abakozi b'ebibi boonaboona aidha kubazikiriza.

Zabbuli 31:23

Mugonzenga Musengwa Katonda imwe mwenamwena abamusinza, Musengwa Katonda akuuma abo abamwesiga, aye abonereza nga bwe kigwaniire abo abeetwala nga ba ghaigulu.

Abalevi 17:5

Ekinuyirirwa mu iteeka lino, n'Abaisiraeli okuleetanga eri Musengwa Katonda ensolo dhaibwe dhe babaire baitiranga mu nsiko eyo, badhireetenga eri kabona, badhiite, dhibe emisengo egigheebwayo eri Musengwa Katonda olw'okutabagana.

Matayo 22:37

Yesu yaamukoba ati: “ ‘Ogonzanga Musengwa Katonda wo n'omutima gwo gwonagwona, n'omwoyo gwo gwonagwona, n'okutegeera kwo kwonakwona.’

Yoanne 14:15

“Oba nga mungonza, mugemenga ebiragiro byange.

Yoanne 14:21

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

1 Ab'e Korintho 8:3

Aye omuntu bw'agonza Katonda, Katonda amumanha.

Amateeka Agokubiri 10:12

Musa yaayongera okukoba Abaisiraeli ati: “Mpegaano ni, imwe Abaisiraeli, Musengwa Katonda waimwe ky'ayenda mukole ni kino: Mumutyenga era mujiirenga ku ebyo byonabyona by'abalagira. Mumugonzenga era mumusinzenga n'omutima gwaimwe gwonagwona, n'omwoyo gwaimwe gwonagwona,

Amateeka Agokubiri 10:13

era mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu.

Amateeka Agokubiri 11:13

“Kale ni mufubenga okutuukiriza ebiragiro, bye mbaghaire olwaleero. Mugonzenga Musengwa Katonda waimwe, mumugheerezenga n'omutima gwaimwe gwonagwona, n'omwoyo gwaimwe gwonagwona.

Amateeka Agokubiri 30:16

Kuba ndi kubalagira olwaleero okugonzanga Musengwa Katonda waimwe, n'okujiiranga ku by'abagalagira, n'okukuumanga amateeka ge n'ebiragiro bye byonabyona. Olwo mughange okubanga abalamu, muzaalenga mweyongere obungi, era Musengwa Katonda waimwe abaghenga enkabi mu nsi ye muja okutwala.

Amateeka Agokubiri 30:20

Mugonzenga Musengwa Katonda waimwe, mumuwulirenga, era mubenga beesigwa y'ali. Kuba oyo, n'obulamu bwaimwe, era n'obughanguzi bwaimwe. Olwo mwidha kubanga mu nsi Musengwa Katonda waimwe ye yasuubiza okugha badhaadha baimwe Aburahamu, ni Isaaka, ni Yakobo.”

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Samueli 9:12

Abaghala baabairamu bati: “Aliyo, era wuuyo abakulembeiremu. Mwangugheku mumwagaane, yaakatuuka mu kibuga, kuba olwaleero abantu baja kughaayo omusengo mu kifo ekigulumivu eky'okusinzizaamu.