1 Bakyabazinga 21:3 - Baibuli Ekibono kya Katonda 2014

³ Aye Nabothi yaakoba Ahabu ati: “Musengwa Katonda agwananga yaaloba kundeka ni nkugha omugabo ogw'ensikirano ogwagheebwa badhaadha bange.”

1 Bakyabazinga 21:3 Iomraidhean Croise

Amainhama 44:17

Aye Yosefu yaakoba ati: “Busa! Tisobola kukola kintu kiri ng'oti n'ekyo. Oyo yenka ayagaaniibwa n'ekikopo, n'anaaba omwiru wange. Aye imwe abandi mwireyo bwera eri iseimwe.”

Amainhama 44:7

Bairamu bati: “Isebo, kiki ekikwogeza ebibono ebiri ng'oti n'ebyo? Ife abagheereza bo titusobola kukola kintu kiri ng'oti n'ekyo.

1 Ebyomubyanda 11:19

ng'akoba ati: “Wo Musengwa Katonda, tikiribaagho nze okukola ekintu ng'oti n'ekyo. Olwo mba ng'ali kunhwa omusaayi ogw'abasaadha bano abaghaireyo obulamu bwaibwe ni baja okuganona!” Kale yaaloba kuganhwa. Ebyo n'ebikolwa abalwani abo abasatu ab'amaani bye baakola nga baziramu ntete naire.

Yobu 27:5

Tirigeza naire kukoba imwe nti muli batuufu; ndidha kwekalangulanga ku kubakoba nti nziraku musango, okutuusa lwe ndifa.

Ezekieli 46:18

Era kyabazinga taatoolenga itaka lya bantu bandi n'alibabingamu. Eitaka ly'anaaghangaku abaana be liidha kubanga eryo lye yafuna ng'obusika bwe. Olwo alobe kutuntuzanga bantu bange ng'ababinga mu itaka lyaibwe.”

Abalevi 25:23

“Eitaka tiriitundibwenga butaizibwa, kuba ninze mwene lyo. Imwe muli basenze busenze ku itaka eryo.

Okubala 36:7

Obutaka obw'ensikirano obw'Abaisiraeli tibwidha kukyusibwanga kuva mu kika kino kwira mu kindi. Buli Muisiraeli aidha kukuumanga obutaka obw'ensikirano obw'ekika kya badhaadha be.

Okubala 36:9

Agho ni, ezira butaka bwa nsikirano bunaakyusibwanga kuva mu kika kire kwira mu kindi. Buli kika eky'Abaisiraeli kiidha kukuumanga obutaka bwakyo obw'ensikirano.”

Ab'e Roma 3:31

Mperaano okwikiriza kitegeeza kudibya Mateeka? Busa naire, tugagumya bugumye.

Ab'e Roma 3:4

Busa, ti bwekiri. Katonda asigala nga wa mazima waire buli muntu aba nga muguya nga bwe kyaghandiikibwa kiti: “By'oyogera byoleka nga toguya era bwebakuwozesa niiwe osinga.”

Ab'e Roma 3:6

Busa, ti bwekiri kuba Katonda bw'ataba wa mazima aghanga atya okusalira ensi omusango?

Ab'e Roma 6:15

Kale tukole tutya? Tukole ekibi kuba tufugibwa ekisa kya Katonda? Busa naire.

Ab'e Roma 6:2

Busa naire. Oba nga olw'ekibi twafa, kabiri tughanga tutya okuba nga tukaali balamu mu kibi?

Ab'e Roma 7:13

Olwo kino kitegeeza kiti ekikalamu n'ekyandeetera okufa? Busa naire. Aye ekibi n'ekyandeetera okufa nga kibita mu kikalamu, ekibi kisobole okweyoleka nga bwekiri ekibi era olw'ekiragiro, ekibi kyeyongere okulagira irala obubi bwakyo.

Ab'e Roma 7:7

Kale tukobe tutya? Tukobe tuti Amateeka kibi? Busa naire, kuba Amateeka n'agaamanhisa ekibi. Tyandimanhie ng'okwegomba kubi, ngoli Amateeka tigaakoba gati: “Tiweegombanga.”

1 Ab'e Korintho 6:15

Timwidhi ng'emibiri gyaimwe bitundu bya mubiri gwa Kurisito? Memale obwo ntoole ebitundu by'omubiri gwa Kurisito mbifuule ebitundu eby'omubiri gw'omwenzi? Busa naire!

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Yoshua 22:29

Ife titusobola naire okudheemera Musengwa Katonda, oba buti okukyuka ni tulekera okujiira ku by'akoba, ni tuzimba alutaari okwokerangaku ebigheebwayo, oba okugheerangaku emere ey'empeke, oba emisengo. Titusobola kuzimba alutaari yindi ate nga eya Musengwa Katonda waife eri agho gha mberi gha Weema ey'Okwagaananirangamu ni Musengwa Katonda.”

Yoshua 24:16

Agho abantu bairamu bati: “Tituja kuleka Musengwa Katonda ni tugheereza bakatonda bandi.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.

1 Samueli 24:6

Yaakoba abasaadha be ati: “Musengwa Katonda anhambe ndobe kubaaku kabi ke nkola musengwa wange kyabazinga, Musengwa Katonda oyo ye yasiiga omuzigo. Tighanga naire kugalula mukono ni ndhita oyo Musengwa Katonda ye yasiiga omuzigo.”