1 Bakyabazinga 2:4 - Baibuli Ekibono kya Katonda 2014

⁴ Era olwo Musengwa Katonda atuukirizenga kye yansuubiza, bwe yankoba ati ku baidhukulu bange n'okunaabanga anaafuganga Isiraeli, kasita baidhukulu bange abo baneegenderezanga okugema bye yalagira n'omutima gwaibwe gwonagwona, era n'omwoyo gwaibwe gwonagwona.

1 Bakyabazinga 2:4 Iomraidhean Croise

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

2 Samueli 7:25

“Wo Musengwa Katonda wange, mperaano ni kuumanga ekyo ky'osuubiiza nze omugheereza wo n'ab'endhu yange era okituukirizenga.

1 Bakyabazinga 1:48

era yasaaka Katonda ati, ‘Musengwa Katonda, Katonda wa Isiraeli asaakibwe, oyo aghaire omulala ku b'omusaayi gwange okutyama ku kityamo kyange eky'obwakyabazinga, era n'anganha okuba omulamu ni mbona ku ekyo.’ ”

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 3:14

Era bw'onaabanga omuwulize ye ndi, n'ogemanga amateeka gange n'ebiragiro byange byonabyona, nga lata wo Daudi bwe yakolanga, ndikugha obughanguzi.”

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

1 Bakyabazinga 6:12

“Kino kigema ku isinzizo lino ly'oli kuzimba: bw'onaajiiranga ku mateeka gange, n'ogonderanga ebiragiro byange, era n'ogemanga ebyo bye nkoba, ndituukiriza kye nasuubiza lata wo Daudi okumukolera.

1 Bakyabazinga 8:23

Yaakoba ati: “Wo Musengwa Katonda wa Isiraeli, ezirayo katonda ali ng'oti niiwe, k'ebe ghaigulu mu igulu oba ghansi ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

1 Bakyabazinga 8:25

Wo Musengwa Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

1 Bakyabazinga 9:5

ndireetera obwakyabazinga bwo okusigalagho nga bugumu ebyanda n'ebyanda, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

2 Bakyabazinga 23:25

Mu bakyabazinga boonaboona abaasookagho Yosia, tighaalighooku waire omulala eyamutuukaku mu kugheereza Musengwa Katonda n'omutima gwe gwonagwona, n'omwoyo gwe gwonagwona, n'amaani ge goonagoona, ng'ajiira ku mateeka ga Musa goonagoona. Ni mu bakyabazinga abaamwiririra mwona timwalimu yamutuukaku.

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 17:3

Musengwa Katonda yaagha Yehoshafati enkabi, kuba yajiiranga ku mpisa enkalamu edha lata we edhaasooka, yaaloba kusinzanga emisambwa egyetebwa Baali.

2 Ebyomubyanda 6:16

Wo Musengwa Katonda, iwe Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

2 Ebyomubyanda 7:18

ndireetera obwakyabazinga bwo okusigalagho nga bugumu, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

Zabbuli 119:9

Omwisuka asobola atya okukuuma obulamu bwe nga butereevu? Kasita aba nga yeekuuma, n'ajiira ku kibono ky'okoba.

Zabbuli 37:22

Abo Musengwa Katonda be yagha enkabi dhe baja kutwala ensi, aye abo be yakolimira baja kuwaagho.

Zabbuli 37:9

kuba ababi baja kuwaagho aye abo abasuubirira mu Musengwa Katonda balitwala ensi.

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Yeremia 33:17

Nze Musengwa Katonda nsuubiza nti buliidho ghaidha kubangagho omuntu ku baidhukulu ba Daudi, anaabanga kyabazinga wa Isiraeli.

Abalevi 26:3

“Bwe munaajiiranga ku mateeka gange, era ni mugondera ebiragiro byange,

Zekaria 14:2

Musengwa Katonda akoba ati alisoloza abantu b'amaghanga goonagoona, baalumba Yerusalemu mu lutalo. Balikighangula, baanhagulula ebintu mu mayumba, era baagema abakazi baabakaka. Ekitundu ku bantu baamu balitwalibwa mu bunhage, aye abalisigalagho tibalitoolebwa mu kibuga.

Matayo 22:37

Yesu yaamukoba ati: “ ‘Ogonzanga Musengwa Katonda wo n'omutima gwo gwonagwona, n'omwoyo gwo gwonagwona, n'okutegeera kwo kwonakwona.’

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Amateeka Agokubiri 10:12

Musa yaayongera okukoba Abaisiraeli ati: “Mpegaano ni, imwe Abaisiraeli, Musengwa Katonda waimwe ky'ayenda mukole ni kino: Mumutyenga era mujiirenga ku ebyo byonabyona by'abalagira. Mumugonzenga era mumusinzenga n'omutima gwaimwe gwonagwona, n'omwoyo gwaimwe gwonagwona,

Amateeka Agokubiri 11:13

“Kale ni mufubenga okutuukiriza ebiragiro, bye mbaghaire olwaleero. Mugonzenga Musengwa Katonda waimwe, mumugheerezenga n'omutima gwaimwe gwonagwona, n'omwoyo gwaimwe gwonagwona.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

Amateeka Agokubiri 7:12

Musa yaayongera okukoba Abaisiraeli ati: “Bwe munaajiiranga ku biragiro bino, ni mu bigema era ni mu bituukiriza, Musengwa Katonda waimwe aidha kukuumanga endagaano, ye yakola n'imwe. Era aidha kubagonzanga obutalekera nga bweyasuubiza badhaadha baimwe.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,