1 Bakyabazinga 2:3 - Baibuli Ekibono kya Katonda 2014

³ Otuukirizanga ebyo byonabyona Musengwa Katonda wo by'ayenda okole, ng'ojiira ku ebyo by'akukoba mu mateeka ge ni mu biragiro bye, nga bwe byaghandiikibwa mu Mateeka ga Musa. Olwo obenga n'enkabi mu byonabyona by'onaakolanga, ni yoonayoona y'onaajanga.

1 Bakyabazinga 2:3 Iomraidhean Croise

2 Samueli 8:14

Agho yaata enkambi edh'abalwani mu Edomu mwonamwona, Abaedomu boonaboona baafuuka bagheereza be. Musengwa Katonda yaaghanga Daudi obughanguzi yoonayoona ye yajanga.

2 Samueli 8:6

Agho Daudi yaata enkambi edh'abalwani mu Aramu eky'e Damasiko, Abasiria baafuuka bagheereza be nga bamugha omusolo. Musengwa Katonda yaaghanga Daudi obughanguzi buli ye yajanga.

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

2 Bakyabazinga 18:7

Musengwa Katonda yaabanga ghalala naye, era ebintu byonabyona bye yakolanga byamujiira bukalamu. Yaadheemera kyabazinga w'e Assiria, yaaloba kumugheereza.

1 Ebyomubyanda 29:19

Nkweghemba oghe mutabane wange Solomoni omwoyo ogw'okwegheerayo irala okugema amateeka go ni by'olagira byonabyona, n'okuzimba eisinzizo, lye nteereiregho ebintu ebyo.”

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:138

Bye wakoba byonabyona bituufu, byesigika ekiseera kyonakyona.

Zabbuli 119:2

Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Abalevi 8:35

Muteekwa okusigala ku mulyango gw'Eweema ey'Okwagaananirangamu ni Musengwa Katonda, okumala enaku musanvu, okutuukiriza ekiragiro kya Musengwa Katonda, memale mulobe kufa, kuba atyo Musengwa Katonda bweyandagira.”

Malaki 4:4

“Mugemenga ebyo Musa omugheereza wange bye yabeegeresa, amateeka n'ebiragiro, bye namugheera ku lusozi Horebu, abikobere Abaisiraeli boonaboona.

Amateeka Agokubiri 29:8

twatwala ensi yaibwe, era twagigabania mu bika bino: ekya Reubeni, n'ekya Gadi, n'ekitundu eky'ekika kya Manasse.

Amateeka Agokubiri 29:9

Kale ni mukuumenga n'obwegendereza ebibono ebiri mu ndagaano eno era mubituukirizenga. Olwo musobole okubanga n'enkabi mu byonabyona bye mukola.

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

Amateeka Agokubiri 4:45

Kuno n'okulamba, n'amateeka, n'ebiragiro, Musa bye yakobera Abaisiraeli bwe baava mu Misiri.

Amateeka Agokubiri 4:5

“Nze mbeegereisa amateeka n'ebiragiro nga Musengwa Katonda wange bweyandagira. Mubigemenga, nga muli mu nsi ye muja okwingiramu okutwala.

Amateeka Agokubiri 4:8

Era ezirayo ighanga lindi, ni bweriba eikologho litya, liri na mateeka ga butuufu ng'oti n'amateeka gano goonagoona ge ndi kubateeragho olwaleero.

Amateeka Agokubiri 5:1

Agho Musa yaayeta Abaisiraeli boonaboona, yaabakoba ati: “Imwe Abaisiraeli, muwulire amateeka n'ebiragiro bye ndi kubagha olwaleero. Mubyege era mwegendereze okubituukirizanga.

Yoshua 22:5

Mwegenderezenga mulobe kuva ku mateeka n'ebiragiro Musa omugheereza wa Musengwa Katonda bye yabagha: okugonzanga Musengwa Katonda oyo Katonda waimwe okwebisanga nga mwene bw'ayenda okukuumanga ebiragiro bye obutamuvangaku era n'okumugheerezanga n'omwoyo omulala.”

Yoshua 23:6

Kale ni mufubenga inho okubona nga mugondera byonabyona ebyaghandiikibwa mu kitabo eky'Amateeka ga Musa. Ghatabangagho katundu koonakoona ke musuula ere.

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 18:30

Agho abafuzi ab'Abafilisiti baavangayo okulwana n'Abaisiraeli. Aye buli mukuzi gwe baidhanga, nga Daudi aba n'obughanguzi okusinga abagheereza ba Saulo abandi boonaboona. Kale Daudi yaamanhikana inho.

1 Samueli 18:5

Daudi yaajanga, yaakolanga bukalamu buli kintu Saulo kye yamutumanga okukola. Kale Saulo yaamufuula omukulu w'abaisirukale. Ekyo kyasangaaza inho abagheereza ba Saulo n'abantu boonaboona.