1 Bakyabazinga 2:2 - Baibuli Ekibono kya Katonda 2014

² “Ekiseera kyange eky'okufa ng'abantu boonaboona bwe bali n'okufa, kiri kumpi okutuuka. Kale oba nga wa maani era ogumanga kisaadha.

1 Bakyabazinga 2:2 Iomraidhean Croise

2 Samueli 10:12

Guma omwoyo, tulwane kisaadha ku lw'abantu baife n'ebibuga bya Katonda waife. Ka tusabe Musengwa Katonda akole ekyo ky'abona nga n'ekigwaine.”

2 Samueli 12:23

Aye buti amaze okufa, kale lwaki nsiiba? Nkaaghanga okumwiza? Luliba lulala nze naaja y'ali, aye mwene taja kwira ye ndi.”

1 Bakyabazinga 3:7

Wo Musengwa Katonda wange, iwe buti onfiire nze omugheereza wo, mbe kyabazinga mu kifo kya lata wange Daudi, waire nga ndi mwana muto. Nzira kye ndidhi naire.

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

1 Ebyomubyanda 22:16

mu zaabu, ni mu feeza, ni mu kyuma eky'ekikomo, era ni mu kyuma ekigumu einho. Situkiramu otoolere omulimo. Nsaba Musengwa Katonda abenga n'iwe.”

1 Ebyomubyanda 28:10

Kale ni ogwaine okimanhe nga Musengwa Katonda akulonze okuzimba endhu ey'okusinzizaamu. Kale omulimo ogwo gukole n'obumalirivu.”

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

Yobu 16:22

Kuba emyaka mitono gye nsigaiza, ntambule okuja eyo ye ntaliva kwira.”

Yobu 30:23

Bwenebwene ndidhi nti oli kuntwala magombe, mu kifo erija abalamu boonaboona.

Zabbuli 89:48

Muntu ki asobola okuba omulamu n'atafa? Naani aghanga okwekuuma n'ataja mu magombe?

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

1 Ab'e Korintho 16:13

Mumogenga butatemya, munhwere mu kwikiriza, mube bagumu era ba maani.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Amateeka Agokubiri 31:23

Agho Musengwa Katonda yaataagho Yoshua mutabane wa Nuni ng'omukulembeze wa Isiraeli, yaamukoba ati: “Ba mugumu era mumalirivu. Kuba niiwe oidha okutuusa Abaisiraeli mu nsi ye nasuubiza, era ndidha kubanga ghalala n'iwe.”

1 Timotheo 4:12

Ole atakufuginkirizanga lwa buto bwo, aye oba nga kya kuboneraku eri abaikiriza, mu ndhogera, mu kwebisa, mu kugonza, mu kwikiriza, ni mu bwamufu.

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

Yoshua 23:14

“Buti ndi mu lugendo, ndi kuja e magombe nga badhaadha boonaboona bwe baaja. Mwenamwena mwidhi bukalamu mu myoyo gyaimwe ng'ebirungi byonabyona Musengwa Katonda waimwe bye yabasuubiza, ghazira ky'ataatuukiriza. Byonabyona yabikola era ghazira kyamulema.