1 Bakyabazinga 13:2 - Baibuli Ekibono kya Katonda 2014

² Omulanzi oyo, yaavumirira alutaari eyo ng'ajiira ku ebyo Musengwa Katonda bye yamulagira, ati: “Alutaari iwe, alutaari iwe, Musengwa Katonda akoba ati, ‘Bona eno, omwana omulenzi alizaalibwa mu ndhu ya Daudi, ng'eriina lye ni Yosia. Aliitira ku iwe bakabona ab'ebifo ebigulumivu ebisinzibwamu abakuniokerezaaku obubbaani, baaba ng'oti n'omusengo ogugheebwayo. Era amagumba g'abantu galyokerwa ku iwe.’ ”

1 Bakyabazinga 13:2 Iomraidhean Croise

1 Bakyabazinga 13:32

Era Musengwa Katonda bye yamulagira okwogera, n'avumirira alutaari eri mu Betheli n'amasabo goonagoona ag'omu bifo ebigulumivu ebisinzibwamu ebiri mu bibuga by'e Samaria, tibiriroba kutuukirira.”

2 Ebyomubyanda 34:1

Yosia yali agheza emyaka munaana egy'obukulu ghe yafuukira kyabazinga wa Buyudaaya. Era yaafuga okumala entangama ya myaka amakumi asatu na mulala mu Yerusalemu.

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 42:9

Bona, ebintu bye nalangirira eira biibyo bituukiriire. Mpegaano nja kubakobera ebiyaaka, nga bikaali na kutoolera kubaagho.”

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Yeremia 1:2

Musengwa Katonda yayogera ni Yeremia mu mwaka ogweikumi n'esatu (13) ogwa kyabazinga Yosia mutabane wa Amoni, eyali nga n'afuga Buyudaaya mu kiseera ekyo

Yeremia 22:29

Iwe nsi, iwe ensi, ensi yaife, wulira Musengwa Katonda bw'akoba, ati:

Ezekieli 36:1

Agho Musengwa Katonda yaayogera ninze, yankoba ati: “Iwe omuntu, langa eri ensozi edh'omu Isiraeli, odhikobe dhiwulirise bino

Ezekieli 36:4

Agho ni, imwe ensozi edh'omu Isiraeli, muwulirise bino nze Musengwa Katonda bye ndi kukoba ensozi, n'obusozi, n'obwinhamo, n'ebiiko, n'ebifo bye baazikiriza ni bisigala agho bityo nga biri bifulukwa byereere, n'ebibuga bye baanhagulula ni babireka agho nga muzira bantu, buti ebyafuuka enseko eri amaghanga goonagoona agabaliinaine.

Ezekieli 38:4

Ndikukyusa naakulingiriza ye ndi, naakutunga mu mba dho amalobo era naakukwekwebya, naakutoolayo n'eigye lyo lyonalyona omuli embalaasi, n'abaisirukale ab'oku mbalaasi, boonaboona nga bavaire eby'omu lutalo mu bwidhuvu, nga bali igye ikologho lyene. Era nga bagemye engabo enene n'entono, eno bwe bazunza empiima.

Luka 19:40

Yaabairamu ati: “Ka mbakobere bano bwe basirika amabaale gaidha kuleekaana.”

Amateeka Agokubiri 32:1

“Iwe eigulu, ntegera kutu ndhogere, n'iwe ensi, wulirisa bye nkoba.