1 Bakyabazinga 10:3 - Baibuli Ekibono kya Katonda 2014

³ Solomoni yaamwiramu ebibuuzo bye. Ghazira kintu waire ekirala kiti ekyazibughalira Solomoni okwinhonhola.

1 Bakyabazinga 10:3 Iomraidhean Croise

2 Samueli 14:17

Era nze omwiru wo omukazi, naakoba mule nti, ‘Ekibono musengwa wange kyabazinga ky'anankoba, kiidha kundeetera okuguma omwoyo’ kuba iwe musengwa wange kyabazinga oli nga malaika wa Katonda, okwawula ekirungi n'ekibi. Musengwa Katonda wo abenga n'iwe.”

2 Samueli 14:20

Omugheereza wo Yoabu yakoze atyo olw'okwenda okukyusaamu mu ebyo ebirigho mpegaano. Aye iwe Isebantu kyabazinga oli n'amagezi ng'oti ga malaika wa Katonda, okumanha ebintu byonabyona ebiri ku nsi.”

1 Bakyabazinga 10:1

Agho kyabazinga omukazi ow'e Sheba bwe yawulira obumanhifu bwa Solomoni obwamugheebwa Musengwa Katonda, yaidha n'ebibuuzo ebikalangafu okumuleba.

1 Bakyabazinga 10:2

Yaidha e Yerusalemu n'ekikunsu eky'abagheereza be nga kinene inho, n'engamiya edheetwise obuwoowo, ni zaabu mungi inho, n'amabaale ag'omughendo. Era bwe yatuuka ewa Solomoni yaamukobera byonabyona ebyamuli ku mwoyo.

1 Bakyabazinga 10:4

Kyabazinga omukazi ow'e Sheba oyo yaabona amagezi ga Solomoni, n'ekisaagaati kye eky'obwakyabazinga kye yazimba,

1 Bakyabazinga 3:12

kale ky'osabye nkikughaire. Era bona eno, nkughaire amagezi n'okutegeera, ebisinga omuntu owundi yeenayeena ku abo abaakusookayo bye yaali afunie, era ebisinga omuntu owundi yeenayeena ku abo abalikwiririra, by'alifuna.

2 Ebyomubyanda 9:2

Solomoni yaamwiramu ebibuuzo bye byonabyona. Ghazira kintu waire ekirala kiti ekyazibughalira Solomoni okwinhonhola.

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Isaia 42:16

Ndikulemberamu abatulu, naababisa mu ngira dhe bataidhi. Enzikiiza ye balimu ndigifuula butangaavu, naasaania aghali ebikonko, baabita aghatereevu. Ebyo ndibibakolera, era tiribalekulira agho.

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

Ab'e Kolosai 2:3

Oyo n'atumanhisa amagezi goonagoona n'okumanha kwonakwona ebiri ng'oti n'eky'obukombe ekyagisibwa.