1 Bakyabazinga 10:1 - Baibuli Ekibono kya Katonda 2014

¹ Agho kyabazinga omukazi ow'e Sheba bwe yawulira obumanhifu bwa Solomoni obwamugheebwa Musengwa Katonda, yaidha n'ebibuuzo ebikalangafu okumuleba.

1 Bakyabazinga 10:1 Iomraidhean Croise

Amainhama 10:28

ni Obali, ni Abimaeli, ni Sheba,

Amainhama 10:7

Abaana ba Kushi ni bano: Seba, Havila, Sabita, Raama ni Sabiteka. Ate aba Raama ni bano: Sheba ni Dedani.

Amainhama 25:3

Yokoshani yazaala Sheba ni Dedani. Abaana ba Dedani ni bano: Ashurimi, ni Letushimi, ni Leunimi.

1 Bakyabazinga 10:24

Abantu ab'omu nsi yoonayoona baayendanga okwidha aghali Solomoni oyo, okuwulira ebibono eby'amagezi ge, Katonda ge yamugha.

1 Bakyabazinga 4:31

Solomoni n'eyali asinga abantu boonaboona amagezi. Yasinga Ethani Omuezera, yaasinga ni Hemani, ni Kalukoli, ni Darida, abo nga batabane ba Maholi. Era yaamanhikana mu maghanga goonagoona ageezungulwire agho.

1 Bakyabazinga 4:34

Abantu baava mu maghanga goonagoona okwidha okuwulira ku magezi ga Solomoni. Era bakyabazinga ab'ensi dhoonadhoona abaawulira ku magezi ge, baatuma abantu okwidha okugawulirisa.

1 Bakyabazinga 5:14

Yaasindikanga e Lebanoni abasaadha omutwalo mulala mulala (10,000) buli mwezi, mu ngobo. Baamalanga omwezi mulala e Lebanoni, ate bairanga baamalanga emyezi ebiri ewaibwe eka. Adoniramu n'eyateebwagho okukuliranga abo abaasolozebwa.

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Yobu 6:19

Ababise ab'e Tema baagala obwiga obwo n'abatambuze ab'e Sheba baata eisubi mu bwiga obwo.

Zabbuli 49:4

Ndidha kuwulirisa ensambo, era nhembe amakulu g'ebikoiko ku ndingidi.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Zabbuli 72:15

Aghangaale! Abantu ab'omu Sheba bamughenga zaabu; abantu bamusabirenga era bamwendezenga enkabi buliidho omusana n'obwire.

Isaia 60:6

Engamiya olukunkumuli dhiriidhula mu iwe nga dhiva mu Midia ni mu Efa, era dhaava ni mu Sheba, nga dhiri kuleeta zaabu n'obubbaani. Abantu balirangirira ebirungi Musengwa Katonda by'akoze.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 16:14

Era wamanhikana inho mu maghanga kamaala olw'obulungi obw'emboneka yo obwo, obwali bubitiriire einho olw'ebyo bye nakukolaku.” Musengwa Katonda atyo bw'akoba.

Ezekieli 38:13

Abantu ab'e Sheba, n'ab'e Dedani, N'abasuubuzi ab'omu bibuga eby'e Tarushishi, balikubuuza bati, ‘Oidhie kunhagulula? Osoloiza eigye lyo osobole okutwala ebintu ng'omunhago? Oidhiriire feeza, na zaabu, na kutwala bintu na byayo, ng'omunhago.’ ”

Matayo 12:42

Kyabazinga omukazi ow'e Sheba, mu kusalirwa omusango alisituka, yaalumiriza abantu b'oluse luno kuba yava etali kumpi yaidha okuwulirisa amagezi ga Solomoni. Aye ghano ghaligho asinga Solomoni.

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Matayo 13:35

Kino ni kyatuukiriza omulanzi kye yakoba ati: “Ndyogeranga mu nfumo, ndyatula ebitaatulwanga okuva ku kwinhama okw'ensi.”

Mariko 4:34

Tiyayogeranga nabo nga takozeisa lufumo aye bwe baasigalanga bonka ng'Abeegeresebwa be abainhonhola byonabyona.

Luka 11:31

Kyabazinga omukazi ow'e Sheba alisituka n'abantu ab'oluse luno ku lunaku olw'okusalirwaku omusango yaagubasalira okubasinga kuba yava ensi y'ekoma yaidha okuwulira amagezi ga Solomoni. Aye ate mubone, ali ghano n'asinga Solomoni.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.