1 Bakyabazinga 1:2 - Baibuli Ekibono kya Katonda 2014

² Kale abagheereza be baamukoba bati: “Isebantu kyabazinga, ka tukunoonezeeyo omughala omutomuto akugheerezenga era ng'akulabirira. Era asulenga ghalala n'iwe musengwa waife kyabazinga, oghange okusuughanga.”

1 Bakyabazinga 1:2 Iomraidhean Croise

Amainhama 16:5

Sarai yaakoba Aburamu ati: “Ebibi ebiri kunkolwaku bikwirirengaku! Nze nakugha omwiru wange obe naye, aye olwakizuula ng'atoire enda, yaatoolera okwekuluntaza n'okuunhooma. Musengwa Katonda atusalire omusango nze n'iwe!”

2 Samueli 12:3

Aye omwavu ng'azira kantu, okutoolaku akataama akaluusi ke yagula. Akataama ako ng'akalabirira era nga kaba ghalala n'abaana be. Nga kalya ku mere ye yalyangaku, kaanhweranga ku kikopo kye, era yaakaleranga nga kali ng'oti mwana y'ali.

1 Bakyabazinga 1:1

Mu kiseera ekyo kyabazinga Daudi yali ng'akairiighe inho, era nga waire bamubwika ebyebwiko ebigheraku, nga tasuugha.

1 Bakyabazinga 1:3

Agho baayagala mu Isiraeli mwonamwona omughala aboneka obulungi, era baazuula Abishagi Omushunami, baamuleetera kyabazinga.

2 Ebyomubyanda 29:11

Baana bange, mutalwa naire, kuba Musengwa Katonda abalonze okwemereranga mu maiso ge, mumugheereze nga mumusinza era nga mumuniokeza obubbaani.”

Omulangirizi 4:11

Era abantu ababiri bwe balambaala aghalala mu biseera eby'empewo basuugha, aye omulala asobola atya okusuugha?

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Amateeka Agokubiri 13:6

“Ni bw'aba muganda wo mwene, oba mutabane wo, oba mughala wo, oba mukazi wo y'oyenda einho, oba mukagwa wo einho, yeena asobola okukusendasenda mu kyama ng'akukoba muje naye musinze bakatonda iwe ni badhaadha bo be mutasinzangaku.