Matyu 2:8 - Saniyo-Hiyewe

⁸ Sosu le lowe omo Betlehem ma'e eimawesawi. Sosu le lowe ma'e eiye, “Fene meni eime ape nehi etire. Fene meni eime ape siyeyei su, peri heneruwe ape ane ma'e au te'esaire. Serai ane aiwawe a'i meni eime ape au te'e wisereyeyei.

Matyu 2:8 Iomraidhean Croise

Matyu 2:1

Nowe ape se awei meni owane erasi a'i iyape Herot, pani tewi Judia au noweinoweiteye. Sosu Maria lai Owane Sitewi lo meni eime omo Betlehem sahe auteiye. Meni eime auteiye su, eiwariyemi erasi yaru poweiye itori siye ma'e teiteye. Sosu awei lo marepi so'oruwe wisere a'i siye lu tamo, omo pani poweiye wirai ape, ma'e fai. Lowe eiwariyemi erasi ape siyeye. Lowe apou a'i toteye. “Meni Owane erasi a'i henerai tepa'asiye.” Serai lowe pani tewi lowe lo arunatiyewe, eiwariyemi erasi ape siye umasiti. Sosu omo Jerusalem ma'e henerai. Omo Jerusalem ma'e henerai su, lowe apou te'e toweriye, “Meni eime ape ate Juda lo meni owane tutawe ne, eiwerou ma'e irosiya awere? Nomo eiwariyemi lo ape poweiye yaru itori siye ma'e siyeyewe, serene nomo meni eime ne au te'e wisereyeyei ne fai.”

Matyu 2:7

Sosu meni owane lai awei lo marepi wisere a'i siye lu ma'e eiwariyemi mo'o fai ape, eresene a'i ei ta'uwe aniye. Sosu le lowe ma'e ei toweriye, “Eiwerou su eiwariyemi erasi a'i siyeye awere?” Lowe itiya'u eiye, “Tu naifa nomo eiwariyemi erasi a'i ape siyeye.”

Matyu 2:9

Sosu lowe meni owane lo peri wanuwe su, lowe omo Jerusalem arunatiyewe fi. Lowe fi su, eiwariyemi erasi a'i lowe tu siyeteye ape, tame siyeye. Lowe siyeye su, lowe marepi wisere a'i teriteye. Eiwariyemi ape meni eime yaru hire ma'e teiteye.”