Jems 4:3 - Saniyo-Hiyewe

³ Aiwawe fene Owane Sitewi ma'e etiri ta te'e toweriyei su, sosu fene etiri ape ani ta'ame. Piyene awere? Wanure! Fene marepi luwaru a'i se Owane Sitewi ma'e te'e toweriyei su, Owane Sitewi fene ma'e aurowata. Owane Sitewi lai marepi fene lo siye so'oruwe tepa'asiye. Fene Owane Sitewi ma'e apou te'e toweriyei su, “Owane Sitewi, ne etiri ape ane ma'e aure. Ne ane ma'e auwei su, ane marepi wisere a'i totenamisiya.” Ahowa, Owane Sitewi lai marepi luwaru a'i fene lo siye ereisiya. Serai le etiri ta aurowata.

Jems 4:3 Iomraidhean Croise

Matyu 20:22

Ahowa, Jisas lowe ma'e itiya'u apou eiye, “Fene etiri ape ne so'oru ta'ama awere? Ne fara'u siye auwe ano se sa'i asiya awere? Peri lo sitewi apou aiwawe a'i, fenesi fofowei ano teritesiya awere?” Lowe le ma'e itiya'u eiye, “Ei, nomo siye auwe no se fara'u sa'i ayei.”

Krais lo Peri Heneruwe, Mak leseteye ape ne 10:38

Ahowa, Jisas lowesi ma'e itiya'u eiye, “Fenesi peri ape lo si tewi so'oru ta'ama. Fenesi fara'u siye awe ano se sa'i ayei awere? Ane sa'i se au huwei su, fenesi fara'u sa'i ape se ani huwei awere?”

Jisas Krais lo Peri Heneruwe, Luk leseteye ape ne 11:10

Lu taune werese Owane Sitewi ma'e ei toweriteyei su, le a'i lai lowe ma'e etiri ape auwei. Lowe Owane Sitewi ma'e siye nehi etiteyei su, le lai lowe ma'e au atuatu areiyeyei. Lowe Owane Sitewi lo yo tewiye sahe ereti se aineteyei su, le a'i lai yo ape lo lowe ne ani tosowei.

Jisas Krais lo Peri Heneruwe, Luk leseteye ape ne 15:13

Nowe me'iye ta se eime Peiwe etiri ma'aru werese lo ani ta'uweyewe, omo eyeri ma'e fi. Omo eyeri ma'e sahe eime Peiwe ma'aru werese ete po'uteteye. Le yo seni luwaru a'i ironamiteye.

Jisas Krais lo Peri Heneruwe, Luk leseteye ape ne 15:30

Ahowa, eime Peiwe no ne totere. Le ma'aru werese no ete po'uteye. Le yo seni luwaru a'i ironamiteye. Le taune luwaru a'i tamo tafa'e yo seni iroteye. Eime Peiwe no si tame fai su, ne fe bulmakau piyo'u a'i le ne nei tou opaiyewe, au ene ateye.

Jems 4:1

Sosu a'i pe ane peri tere'e fene ma'e au te'esiya. Ane ai peri fene lo wanusiya. Fene piyene ai peri te'e te'e tiyatisiya awere? Ai marepi werese ape lai marepi luwaru a'i, fene iroreme ape, ma'e fai. Marepi luwaru a'i ape lai marepi wisere a'i ai atu tiyatinamisiya.

1 Jon 3:22

Nomo Owane Sitewi lo peri wanu umasiyei su, le etiri werese, nomo le ma'e te'e toweriye ape, nomo ma'e aurowa. Nomo yo seni farere a'i irowei su, Owane Sitewi lai nomo ne au wisereye nine'irowa.

1 Jon 5:14

Serai nomo Owane Sitewi ma'e te'e toweriyei ne iyei su, nomo apou a'i wanu so'oruwesiya. Nomo mi mi pasi pasi ironamitorowa. Sosu nomo etiri werese ape mo, marepi towafi nomo lo se te'e toweriyei su, Owane Sitewi lai nomo ma'e wanusiya.