Jems 1:19 - Saniyo-Hiyewe

¹⁹ Fene werese peri ano wanure! Fene peri ape wanu so'oruwe tepa'asiye. Kaiyemo mo werese, fene werese lu taune lo peri wanu etire. Fene peri tutawe owe au te'ete. Aiwawe a'i fene ai peri witane se owe ape au te'ete.

Jems 1:19 Iomraidhean Croise

Matyu 5:22

Ahowa, ane fene ma'e apou au te'esiya. Lu taune ta meni tere'e ma'e ai marepi toteyei su, awei lo meni owane lai le etiyei. Aiwawe a'i meni ta meni tere'e ma'e apou eiyei su, ‘Ne ipo meni luwaru poto a'i ne.’ Awei lo meni owane tutawe lai le etiyei. Sosu aiwawe a'i, meni ta meni tere'e ma'e apou eiyei su, ‘Ne meni meremereye a'i ne.’ Meni ape weiyai! Le ma'e atahe a'i irowa.

Krais lo Peri Heneruwe, Mak leseteye ape ne 12:37

Meni Devit a'i lai meni ape apou eiye, ‘Ne Meni Owane Sitewi ano.’ Serai piyene meni owane ape Devit lo meni eime te'esiya awere?” Lu taune werese Jisas lo peri wanuteye su, lowe marepi wisere a'i iroteye.

Krais lo Peri Heneruwe, Mak leseteye ape ne 2:2

Witane a'i lu taune tomu ne'ese wesi ape ma'e Jisas siyeyei ne ta'uwerai. Lu taune tomu ne'ese, Jisas iroteye ape, wesi ape papu teme'eriyeye. Lu taune tamo wesi nowe ma'e saro teiteye. Lu tamo wesi yo ape he'e tawesiye. Lu tere'e tamo wesi ape papu wirowata. Jisas lu taune werese siyeye su, le Owane Sitewi lo peri lowe ma'e au te'e areiyeye.

Jisas Krais lo Peri Heneruwe, Luk leseteye ape ne 15:1

Sosu a'i pe takis ma'aru aniyei siye lu tamo, lu taune tere'e, Juda lo yo peri arisiye ape, lowe Jisas ma'e atahe a'i peri lo wanuwei ne ta'uwerai.

Jisas Krais lo Peri Heneruwe, Luk leseteye ape ne 19:48

Ahowa, lu taune werese Jisas lo peri ne wanu wisereyeteye. Serai au heseyei lu owane, Owane Sitewi lo peri au lese siye lu tamo, lowe Jisas lo yo seni siye etirowata. Lowe le aine tera'eyei ne totesiya. Ahowa, lowe yo ape siye so'oruwerowata.

Aposel 1:15

Lowe werese poweiye tomu ne'ese wesi tutu sahe Owane Sitewi ma'e peri te'eyei ne fai. Sosu a'i pe Pita lai lu taune ponei sahe sineyewe, peri ta au te'eye. Lu taune tomu ne'ese wesi sahe ta'uwerai (120 aiwawe a'i).

Aposel 10:33

Serai ane pereye a'i ne ei aniye. Owane Sitewi lai nomo mase irosiya. Ne saro ahe fai su, ane marepi wisere erasi a'i terite wisereyeye. Sosu ane lu tewi ano, lu taune tere'e tamo ei ta'uwe aniye. Nomo Owane Sitewi lo marepi werese, Owane Sitewi ne ma'e au te'eye ape, wanuwei ne totesiya.”

Aposel 13:48

Sosu a'i pe lu tewi tere'e Jisas lo peri wanuwe su, lowe marepi erasi a'i wisereye nine'iteye. Lowe Meni Owane Pefine a'i lo peri ape ne te'e ani arowenamiteye. Sosu lu taune werese, Owane Sitewi lai marepi hepene he'i a'i auwei ne ariariyeye ape, lowe Jisas ne tote tawesi umasiteye.

Aposel 17:11

Sosu a'i pe Beria lo lu taune marepi lowe lo wisereye kairefiyeteye. Tesalonaika lo lu taune marepi lowe lo haroharo a'i ne. Beria lo lu taune Pol lo peri wanuwe su, lowe Owane Sitewi lo one towe wanu tote etiteye. Pol lo peri wiyeme a'i awere? Wawero a'i awere?

Aposel 2:42

Sosu a'i pe lu taune werese, Jisas lo peri wanu tote tawesi umasiye ape, lowe, Owane Sitewi lo etiri werese a'i, lu aposel ape mo au te'e atuatuteye ape, wanuwei ne ta'uwerai. Lowe werese marepi ta'i a'i toteteye. Sosu lowe aiwawe ene ayei ne ta'uwerai. Sosu lowe Owane Sitewi ma'e peri au te'e tiyatiye.

Efesus 4:26

“Fene ai marepi toteyei su, yo seni luwaru a'i owe ape irote.” Sng 4:4 Poweiye itoweriyei su, ai marepi fene lo tote i'ane arunatire. Ai marepi fene lo mase owe ape tote howeite.

Efesus 4:31

Fene ai marepi orese a'i owe ape totenamite. Aiwawe fene ai peri erasi owe ape au te'ete. Fene lu taune ma'e ai marepi fene lo owe ape au atuatunamite. Fene peri erasi ai marepi se owe ape hare te'ete. Fene peri luwaru a'i lu taune ma'e au luwaruweyei ne owe ape te'ete. Sosu aiwawe a'i fene yo seni luwaru a'i owe ape ironamite.

Kolosi 3:15

Krais lai nomo marepi fetane a'i ausiya. Serai marepi fetane a'i lo ape lai fara'u marepi fene lo au noweinoweinamite. Owane Sitewi lai fene werese marepi fetane a'i irowei ne ei ta'uwerai. Sosu fene Krais sahe tahe pa'are ta'i a'i henerai. Etiri werese ape ne, fene Owane Sitewi ma'e au te'e wisereye nine'inamite.

Kolosi 3:8

Ahowa, pereye nowe eite se fene yo seni apou ape fu ani arosawite. Ai peri owe ape te'ete. Ai marepi owe ape totete. Lu taune tere'e ma'e owe ape au luwaruwete. Sosu lowe ma'e peri luwaru a'i owe ape te'ete. Fene peri te'eyei su, fene peri kairefi luwaru unou a'i owe ape te'ete.

1 Tesalonaika 2:13

Serai nomo Owane Sitewi ma'e mi mi pasi pasi au te'e nine'i wisereyeyei. Fene Owane Sitewi lo peri, nomo au te'eteye ape, wanu tote tawesi umasinamiteye su, fene peri ape wanu tote tawesiteye. Marepi fene lo apou toteye, peri ape Owane Sitewi lai au te'e areiyeteye. Peri ape meni lo marepi ma'e fai ta'ama. Owane Sitewi lai peri lo au te'esai. Owane Sitewi lo peri ape lai fene werese, Jisas lo yo seni umasinamisiya ape, marepi hepene fene lo ani atati aresaiyeteye.

Jems 1:16

Kaiyemo mo werese ano, lu tamo peri wawero fene ma'e au te'eyei su, fene peri lowe lo owe wanu umasite.

Jems 1:2

Lu tamo fene ma'e au luwaruweyei su, fene marepi wisere a'i Owane Sitewi ma'e au te'e nine'inamite.

Jems 1:26

Meni ta apou eiyei su, “Ane Owane Sitewi ne tote tawesisiya. Sosu ane mi mi weriyei peri pefine a'i te'enamisiya.” Ahowa, le peri wawero au te'eyei su, le marepi topo lo areareyei. Aiwawe a'i le tote tawesiyei lo Owane Sitewi ne yahowa'i a'i irosiya.

Jems 2:1

Kaiyemo mo ano, fene Owane Jisas Krais lo marepi tote tawesisiya ape, fene lu taune iyape se marepi erasi a'i toteyei su, sosu lu taune yahowa'i me'iyeni ma'e atati tei awetowei su, yo seni apou ape luwaru a'i ne. Fene marepi yo seni apou ape owe ape totete. Ahowa, fene lu taune werese ne marepi ta'i a'i apou aiwawe a'i totete.

Jems 2:5

Kaiyemo mo ane fene marepi erasi a'i tote wawesiyenamisiya. Peri ano wanure! Owane Sitewi lai lu taune ma'aru etiri ariye ape mo lowe ne ariariyeye. Etiri werese omo hire ma'e irosiya ape, Owane Sitewi lai lowe ma'e etiri tomu ne'ese aurowa. Lowe Owane Sitewi ne marepi erasi a'i tote wawesiyenamisiya ape, Owane Sitewi lai tote tawesiyei lowe lo au kairefiyesiya. Le lai peri te'e naneiyei ape lowe ma'e au te'eye.

Jems 3:10

Peri ano wanure! Ahi ta'i a'i se meni ta Owane Sitewi ma'e au wisereyesiya. Sosu mo'o ahi aiwawe a'i se meni ape lu taune ma'e au te'e narusiya. Yo seni apou ape luwaru a'i ne. Ahi nomo lo se nomo peri hesi a'i apou ape au te'esiya. Serai fene yo seni apou ape owe ape irore.

Jems 4:11

Sosu a'i pe kaiyemo mo, fene lu taune tere'e ma'e owe ape te'e naruwei. Meni ta meni tere'e ma'e te'e naruwei su, le Owane Sitewi lo yo peri ma'e ai atu fiyariyei. Meni ta meni tere'e ma'e yo seni lo au hese eti ereiyei su, le Owane Sitewi lo yo peri ma'e au hese eti ereiyei. Fene Owane Sitewi lo yo peri ma'e au hese eti ereiyei su, fene Owane Sitewi lo yo peri ape umasi ta'ame. Ahowa, fene Owane Sitewi lo yo peri au hese eti ereiyei siye meni ne.

Jems 5:12

Kaiyemo mo, fene peri ano wanu etire! Fene peri ta te'e naneiyei su, fene apou owe au te'ere, “Ane omo hire ma'e lo iyape ane peri te'e naneisiya.” Aiwawe fene owe au te'ere. Awei lo iyape se ane peri te'e naneisiya, sosu iyape tere'e tere'e se ane peri te'e naneisiya. Ahowa, fene peri te'e naneiyei owe ape au te'ere. Fene apou toteyei su, “Ane etiri ape au irowei.” Serai fene apou fu eire, “Ei, ane etiri ape irowei.” Sosu fene apou toteyei su, “Ane etiri ape irowei ta'ama.” Serai fene apou fu eire, “Ahowa, ane etiri ape irowei ta'ama. Fene marepi hesiyei se toteyei su, Owane Sitewi lai marepi fene lo au hese ereiyei.”

Jems 5:19

Kaiyemo mo, lu taune tamo, fene irosiya ape, Owane Sitewi lo peri wiyeme a'i me'iyeni ma'e atati awetowei su, sosu yo seni luwaru a'i irowei. Sosu meni tere'e ta lai meni ape, yo seni luwaru a'i irowei ape, Owane Sitewi ma'e si tame hene aitaiyei.

1 Jon 2:21

Ane fene ma'e marepi kairefiyeyei ne au lesesiya. Marepi fene lo apou a'i toteye, “Nomo peri pefine a'i so'oru ta'ama.” Ahowa, fene Owane Sitewi lo peri pefine a'i so'oruwesiya. Fene lai etiri ta so'oruwesiya. Peri wawero werese a'i Owane Sitewi lo peri pefine a'i ma'e aiye ta'ame.