Filemon 1:2 - Saniyo-Hiyewe

² Notosi one towe eite taune Apia ma'e, nati wafei nomo lo aiwawe ausawiyei. Sosu notosi one towe eite meni Arkipus ma'e ausawiyei. Le Krais lo wiyawi ta'ane siye meni. Le notosi mase Owane Sitewi lo wiyawi ta'ane tohotenamisiya. Sosu aiwawe notosi lu taune werese ma'e, Owane Sitewi lo yo seni umasiye ape, wesi no Owane Sitewi lo peri wanuwei ne ta'uweraisiya ape, one towe eite aiwawe a'i ausawiyei.

Filemon 1:2 Iomraidhean Croise

Pol One Towe eite Omo Rom maꞌe Lese Ausawi 16:1

Sosu a'i pe ane one towe eite fene ma'e ausawiyei. Menitani ta iyape Fibi one towe eite fene ma'e ereti topo lo se aitirowa. Menitani ape Owane Sitewi lo wesi omo Senkria irosiya ape, le wiyawi erasi a'i ta'aneteye. Le Owane Sitewi lo yo seni umasinamisiya.

Pol One Towe eite Omo Rom maꞌe Lese Ausawi 16:5

Ane lu taune werese ma'e wesi lowesi lo sahe ta'uweraisiya ape, au te'e nine'i wisereyesiya. Sosu ane meni Epainetus ma'e au te'e nine'i wisereyesiya. Meni ape nati wafei wiyeme ano ne. Le omo pani Esia saro iroteye su, le meni tutawe Owane Krais lo yo umasiteye.

1 Korin 16:19

Lu taune werese Owane Sitewi lo peri wanu umasinamisiya ape, omo pani Esia sahe lowe fene werese ma'e au te'e wisereyesawi. Nohuweripi Akwila, tani lo Prisila, lowesi fene ma'e erasi a'i au te'e wisereyesawi. Lu taune werese lowesi lo wesi sahe, Owane Sitewi ma'e au te'e wisereyeyei ne ta'uwerai ape, lowe fene ma'e au te'e wisereyesawi. Lu taune werese ape mo Owane Sitewi lo peri wanu umasinamisiya.

Filipai 2:25

Sosu a'i pe ane meni Epafroditus, kaiyemo nomo lo ne, apou totesiya. Tu naifa ane marepi orese a'i iroteye su, fene lai le ane ma'e fa au pati aniraiyei ne te'e eimawesai. Le Krais lo meni pefine a'i ne. Le ane mase iroteye su, le Krais lo wiyawi au ta'aneteyewe, ane eyate feni ma'e tei kairefinamiteye. Ei, le ane aiwawe a'i lefeifonamiteye. Serai meni eite ane fene ma'e si te'e eimawesawiyei ne tote kairefiyesiya.

Kolosi 4:15

Fene nomo ne lu taune Krais ne tote tawesisiya ape, omo Laodisia irosiya ape, au te'e wisereye nine'ire. Aiwawe a'i fene menitani Nimfa ma'e sosu lu taune wesi lo ma'e Krais ma'e au te'e wisereye nine'iyei ne ta'uweye ape, fene lowe ma'e au te'e wisereye nine'ire.

Kolosi 4:17

Sosu fene meni Arkipus ma'e apou te'ere, “Wiyawi ape Meni Owane Pefine lai ne ma'e auwe ape, ne au heteta noweinowei tepa'asite.”