Aposel 7:8 - Saniyo-Hiyewe

⁸ Owane Sitewi lai Abraham ma'e peri te'e naneiyei ape au te'eye. Peri te'e naneiyei ape apou a'i, ‘Ne tahe no mene'e se touwe. Ne tahe touwei ape siyeyei su, ne Owane Sitewi ma'e tote tawesiyei.’ Abraham lo tani meni eime ta auteiye, iyape Aisak. Sosu poweiye ereti feni werese feni hesi heta (8) i tepa'asiye su, Abraham meni eime lo tahe touwe. Meni eime tahe touwe ape, Abraham Owane Sitewi lo peri te'e naneiyei ape aniye. Nowe me'iye su Aisak lo tani meni eime ta auteiye, iyape Jekop. Nowe me'iye su Jekop lo tani werese eimane ereti feni hesi lowe hesi a'i (12) auteiye. Jekop lo eimane werese ya'ariyei sitewi henerai.

Aposel 7:8 Iomraidhean Croise

Matyu 1:2

Abraham lo meni eime Aisak. Aisak lo meni eime Jekop. Jekop lo meni eime Juda. Jekop eimane tomu ne'ese iroteye.

Jisas Krasi lo Peri Heneruwe, Jon leseteye ape ne 7:22

Ane meni ta'i nowe amou se au ta'ane fara'uweye. Fene ai marepi ane ne owe ape totere. Fene werese ya'ariyei fene lo aiwawe Moses lo yo peri wiyeme a'i umasisiya. Ya'ariyei fene lo tahe touwe. Fene meni eime fene lo Owane Sitewi lo nowe se tahe au touwe. Serai fene wiyawi ta'aneye. Ahowa, fene marepi fene lo apou toteye. Nowe amou eite se nomo wiyawi ta'ane ta'ame. Serai ane meni ta'i nowe amou se au fara'uweye su, fene ane ne ai marepi totenamiteye. Marepi fene lo meremereye a'i ne.

Aposel 2:29

Sosu Pita apou tame eiye, “Kaiyemo mo, ane fene peri wiyeme ta au te'esiya. Meni ape Devit, ya'ariyei aite nomo lo temeniyeyewe, lowe fisiye yo papu fuwe. Sosu nowe pereye eite se fisiye yo lo sato irosiya.

Pol One Towe eite Omo Rom maꞌe Lese Ausawi 4:10

Eiwerou su, meni Abraham, Owane Sitewi ne tote tawesiye awere? Abraham, Owane Sitewi ne nowe tutawe pefine a'i tote tawesiye. Sosu nowe me'iye su, le Juda lo meni ta henerai. Serai Abraham, Owane Sitewi ne tote tawesinamiteye su, le meni aiheiyei a'i iroteye.

Galesia 3:15

Kaiyemo mo, ane fene ma'e peri ta au te'e areiyesiya. Lu hesi peri ta one towe sahe peri pefine te'e naneiyei su, lowesi marepi ta'i a'i apou te'erowa. “Notosi peri pefine te'e naneinamiyei ape, wanu umasirowa.” Lowesi peri ape te'e tepa'asiyei su, owe meni ta peri ape einamirowata. Aiwawe a'i owe meni ta peri he'i a'i peri pefine te'e naneinamiyei ape, papu leserowata.

Galesia 3:17

Peri ano lo eti ane fene ma'e te'eye. Owane Sitewi lai meni Abraham ma'e peri te'e naneiyei ta au te'eye. Sosu Owane Sitewi le ma'e eiye. “Ane peri te'e naneiyei werese ano umasinamirowa.” Moses lo yo peri iyu menei 430 me'iye su henerairowa. Moses lo yo peri ape lai Owane Sitewi lo peri te'e naneiyei atati arurowata.

Hibru 7:4

Serai fene le ne siye so'oruwesiya. Le meni wisere erasi a'i ne. Abraham ya'ariyei meni wisere weriyei nomo lo ne. Le awei lo lu owane tutawe hesiyo hesiyo tiyati ai atuwe su, etiri werese lo tesi aniye ape mo, le tomu ta'i ta Melkisedek ma'e auwe.