Aposel 10:9 - Saniyo-Hiyewe

⁹ Sosu a'i pe lowe pasi a'i iteye su, nowe esi omo Jopa ma'e atahe a'i henerai. Sosu a'i pe poweiye po a'i Pita wesi aite ma'e wiye. Le Owane Sitewi ma'e au te'e tiyatiyei ne fi.

Aposel 10:9 Iomraidhean Croise

Matyu 20:5

Sosu poweiye ponei se, le omo nepawe ma'e si tame fi. Le lu tamo yo sahe yahowa'i teiteye, siyeri. Sosu le lowe ma'e eiye, ‘Fene aiwawe a'i ta'aneyei awei ano ma'e ire! Sosu neriwei su, ane ma'aru tewi ta fene ma'e aurowa. Le nowe poweiye wati (3 klok) si tame fiyewe, lu tere'e tamo ta'aneyei awei lo ma'e eimawesawi.’

Matyu 24:17

Lu taune tamo naretei wesi a'i sahe onu fetane irotorowa su, lowe witane se iteroti. Lowe wesi towafi lowe lo papu etiri ta'uweyei ne wi ta'ame.

Matyu 27:45

Sosu a'i pe poweiye ponei se nowe pasi a'i ito henerai, awei pani werese napetuwe. Sosu poweiye neriwei aiwawe a'i se pasi po'uteye. Nowe neriwei aiwawe a'i poweiye si tame tewi mitaiye fiyarirai.

Matyu 6:6

Ahowa, fene Owane Sitewi ma'e, tai fene lo, au te'eyei ne toteyei su, fene tewi wesi papu wire. Yo anitiyei su, fene Owane Sitewi, Tai fene lo, ma'e lu le ne siye ta'ame ape, au te'ete. Serai Owane Sitewi lai fene eresene a'i tewi wesi papu siyeyei. Fene peri au te'eyei su, Owane Sitewi lai Tai fene lo etiri ta fene ma'e aurowa.

Krais lo Peri Heneruwe, Mak leseteye ape ne 1:35

Esi pasi su Jisas woto a'i wesi ape arunatiyewe, ipo lu ta'ama ape ma'e fi. Owane Sitewi ma'e peri au te'eyei ne fi.

Krais lo Peri Heneruwe, Mak leseteye ape ne 6:46

Sosu Jisas lu taune werese eimawesawi tepa'asiye su, le lu disaipel lo wai se iyatuti ape, siyesawi. Sosu Jisas omo hire ma'e yaneyewe, Owane Sitewi ma'e peri au te'eteye.

Aposel 10:3

Nowe ta se poweiye wati su, le suwou hamehameyei ta siyeye. Le apou siyeye, Owane Sitewi lo ipari wisere a'i le ma'e ito eirai. Owane Sitewi lo ipari apou eiye, “Kornilius.”

Aposel 6:4

Nomo a'i lai mi mi weriyei Owane Sitewi lo peri lu taune ma'e au te'e fiyarirowa. Sosu nomo Owane Sitewi ma'e au te'e tiyatirowa. Etiri eite mo pefine a'i tene.”

Efesus 6:18

Mi mi weriyei weriyei Owane Sitewi lo Hepene Wara'i a'i se, fene Owane Sitewi ma'e te'e tiyatinamite. Fene Owane Sitewi ma'e te'e tiyatirowa su, peri tere'e tere'e se au te'e towerite. Etiri ta fene po'uteyei su, fene Owane Sitewi ma'e te'e towerire. Mi mi weriyei fene sepei Satan, weiyai! Fene mi mi weriyei fene owe ape ta'orete. Mi mi weriyei fene Owane Sitewi lo lu tewi pefine a'i ne Owane Sitewi ma'e au te'e towerinamite.

1 Timoti 2:8

Sosu ane lu werese omo omo werese sahe Owane Sitewi ma'e au te'e tiyatiyei ne totesiya. Sosu lu taune ape mo, Owane Sitewi ma'e au te'e tiyatiyei ape, lowe marepi wara'i umasinamirowa. Lowe ai marepi owe ape totete. Sosu lowe lu taune tere'e ma'e ai peri owe ape te'e tiyatinamite.