Aposel 1:12 - Saniyo-Hiyewe

¹² Sosu a'i pe Jisas lo lu disaipel Omo Oliv arunatiyewe, Jerusalem ma'e si tame fi. Omo Oliv atahe a'i ne. Lowe yo mai sahe kilomita hesi heta iteye.

Aposel 1:12 Iomraidhean Croise

Matyu 21:1

Sosu a'i pe Jisas lu disaipel lo aiwawe a'i, lowe omo Jerusalem ma'e ataheyeri. Lowe omo Betfage, Omo Oliv sahe iroteye ape heneri. Sosu lowe omo Betfage heneri su, le lu feni hesi lo ei aniye.

Matyu 24:20

Nowe ape se fofowei luwaru erasi a'i henerairowa. Tu naifa weriyei weriyei lu taune werese fofowei luwaru erasi a'i eito eite terite ta'ame. Fofowei luwaru erasi ape etiri fofowei werese tere'e ani fu araronamiteye. Nowe me'iye su, fofowei eito eite tame irotorowata. Serai fofowei luwaru erasi ape henerairowa su, fene Owane Sitewi ma'e apou te'e towerire! ‘Owane Sitewi ne fofowei erasi ape Owane Sitewi lo nowe wara'i a'i se, nowe naretei a'i se owe ape au arosa.’ Nowe amou (Sabat) se, nowe naretei a'i se henerairowa su, nomo witane a'i iterotirowata.

Matyu 24:3

Sosu a'i pe Jisas Omo Oliv ma'e yaneye. Le saro onuwe su, lu disaipel lo eresene a'i se le ma'e peri ta te'e toweriyei ne fai. Lowe apou te'e toweriye, “Meni owane, Ne peri ape nomo ma'e itiya'u eire! Eiwerou su etiri ape henerairowa awere? Ne si tame aiyerowa su, piye yaru nomo siyerowa awere? Nowe ye'ewi aiyerowa su, piye yaru nomo siyerowa awere? Eiwerou su awei eite po'uterowa awere?”

Matyu 26:30

Sosu a'i pe lowe Owane Sitewi lo omoyawi ahi ta irowe su, lowe wesi ape arunatiyewe, Omo Oliv hire ma'e yaneye.

Jisas Krais lo Peri Heneruwe, Luk leseteye ape ne 19:29

Lowe omo nepawe hesi a'i atahe ape sahe heneri. Omo hesi ape lo iyape omo Betfage, sosu omo Betani. Omo hesi ape omo iyape me Oliv atahe sahe iroteye. Jisas lu hesi omo Betani ma'e eimawesawi.

Jisas Krais lo Peri Heneruwe, Luk leseteye ape ne 21:37

Sosu a'i pe le peri ape au te'e tepa'asiye su, le nowe mi werese Owane Sitewi lo wesi tutawe sahe lu taune werese ma'e Owane Sitewi lo peri au te'e areiyeteye. Nowe neriwei su, le Owane Sitewi lo wesi tutawe arunatiyewe, omo ta iyape Oliv ma'e fi. Le pasi a'i omo ape ma'e iroteye.

Jisas Krais lo Peri Heneruwe, Luk leseteye ape ne 24:50

Sosu a'i pe Jisas peri ape te'e tepa'asiye su, lowe omo Jerusalem nowe ma'e heneti. Le lowe omo Betani ma'e heneri. Lowe omo Betani ma'e heneri su, le ereti lo ani aroweyewe, Owane Sitewi ma'e au te'eye, “Tai ano, ne lowe ma'e au pati ferafereite. Ne lowe ma'e au noweinoweite.”

Jisas Krais lo Peri Heneruwe, Luk leseteye ape ne 24:52

Sosu Jisas ni'arawe papu wiye su, lowe omo Jerusalem ma'e si tame fi. Lowe marepi wisere erasi a'i nine'inamiteye. Sosu lowe Jisas ma'e lowe uporo ape'i onuwewe, le ma'e au te'e wisereye nine'iteye.