YOHANE 12:3 - Selee

³ Ninfɛ di Maria layɔ nnɔnyi kɔnɔkɔnɔ be niefũ ni kɔya osie kanya lebo kplɛ baayɔ lɛsaa le bɔɔlɛɛ ni nard baabla nii aabakpete di Yesu nkpaatũ, ni aayɔ disi sinwini nɔɔ aasunsũ nɛ. Ni di nnɔnyi nwu nkpo ɔkɔnɔ lafũ leyo nwu nkpo kamɛ nɛ.

YOHANE 12:3 Iomraidhean Croise

LUKA 10:42

Lɛsaa ninwii pɛ niefĩ. Nni ninle dibiene le di Maria ntoodiki ni nɛ. Kuonwii kafɔɔ dilabafũ nwɔ ninnɛɛ.”

LUKA 7:46

Faatɛɛ nnɔnyi falɛ nkpee diisi. Kafɔɔ ɔsanko wɔ mmle lɛyɔ nnɔnyi kɔnɔkɔnɔ eekpeete mi ninkpaatũ.

YOHANE 11:2

Maria wɔ mmle niale otii wɔ niayɔ nɔnyi kɔnɔnkɔnɔ aakpete ni di Saate nkpaatũ aayɔ disi sinwini nɔɔ aasunsũ ni nɛ. Obilɛma suɔtɔbi niale Lasaro wɔ niatoofiɛ ni nɛ.

YOHANE 11:28

Obe wɔ di Marta labuɛ ɔlaa wɔ mmle aaloo nii, ni aakple aasifi aalaalɛɛ obilɛma Maria buɛɛ aatɔkɔ nwɔ alɛ, “Saatuotɛ ntɔbabuo, ɔɔkaalɛ fɔ disi kafɔɔ.”

YOHANE 11:32

Obe wɔ di Maria lalaadu ni lɛba le di Yesu layila ni, aanyɔɔ nii, nfanwu, ni aapɛ akunkyi kaatũ nɔɔ aabuɛ alɛ, “Saate, nse fɛ faanwɛ ninfũ nse obiloo diekpi!”

YOHANE 19:39

Ni di Nikodemo wɔ niakasa ni Yesu nfũ ɔkyɛ ku kakyɛ latikanko Yosef nwu nkpo nɛ. Ninfɛ aayɔ kɔfa ko man-yɔ manlolaa ni kpi, bɛɛyɔ klobo ku kɔfa kɔnɔnkɔnɔ ko manlɛɛ ni aloe kpinwu aaklee nɛ. Kɔfa nwu nkpo lɛpɔ kawo fɛ bakiloo afosi atiɛ.