Biblia Todo Logo
Bìoball air-loidhne

- Sanasan -




YOHANE 1:9 - Selee

9 Di obe nwu nkpo kamɛ yi, lɛkpa le nimu nimu ninkpa ninta ni batii bamuu nfɛ kɔwa kayi ka mmle kamɛ.

Faic an caibideil Dèan lethbhreac




YOHANE 1:9
15 Iomraidhean Croise  

Kafɔɔ nse anu diɛlɛ fɔ yi, suoto sina lɛfɔ simuu masiɛ di ditunu kamɛ. Nkpo oso nse lɛkpa le ninsi fɔ ni kaamɛ nle ditunu, ni dibatɛ ninwɔfɔ fɔ osie kanya.


Nse lɛkpa leyii fɔ kamɛ, di lɛba lɛfɔ kuninwii diesi di ditunu kamɛ, ni afɔ otii omuu fabakpa fante klekle, fɛ mmle di kandiɛ nkpa ankpete ni di lɛsaa suoto ninkpa nii.”


Ɔlaa nwu kamɛ di nkpa lɛtaa diekye nɛ. Nkpa nwu nkpo kafɔɔ lɛyɔ lɛkpa diɛwako batii bamuu.


Nnwɔɔ niawa aabakakatɛ aata batii di lɛkpa nwu nkpo suoto nɛ, alɛ batii bamuu kanu ɔlaa nɔɔ nwu alɛ, baafũ mannu.


Lɛwa kayi ka mmle fɛle lɛkpa. Alɛ otii lele niefũ mi eenu yi, ɔlɔbasiɛ di ditunu kamɛ.


Ninfɛ di Yesu latɔkɔ nwɔ alɛ, “Ami ninle osuku nwu, onukware nwu, ku nkpa nwu nɛ. Otii kuonwii dilɔbafuo Teete nfũ ɔkyɛ diediki eefe di suoto nii.


“Ami ninle kolewoso nwaa nwu nkpo nɛ, Teemi kafɔɔ ninle alewoso nwu kofe kpɛntɛ.


Ninfɛ di Yesu latɔkɔ ma alɛ, “Nwaako kɔtɔkɔ ye nlɛ, diele Mose niata ye alesaa ya niekye ni osi biale. Kafɔɔ Teemi ninta ye alesaa amuamu ya niekye ni osi.


Batii latoobuɛ sɛwɛɛwɛɛ baakakatɛ kpinwu di Yesu suoto. Batii bawo labuɛ alɛ, “Otii biene ale.” Batii bamba kafɔɔ labuɛ alɛ, “Oowo! Otii kpile ale. Ɔɔkyɔnkyɔ batii anfenko di osuku kpile suoto.”


Nse buobuɛ bulɛ okpile dietika wo di suoto, ni buɔkyɔnkyɔ suoto, ni nwaako obuɛ diesi wo kaamɛ.


Kafɔɔ nunua kufiofa ko kɔkpana nkyesee ye nii, kubio kɔfɔle kule, diekye nwaako wɔ ninsi ni kaamɛ ntoodiki suoto kuotuo di Kristo kamɛ ku aye kafɔɔ kamɛ. Diekye ditunu nfɛ kɔwaalɛ ninfe, lɛkpa nwu nimu nimu nfɛ kɔkpa kofokofoko.


Buye bulɛ Yaa Obi nwu nkpo ntɔɔwa ɛɛbata wo lɛsɔnu, alɛ buafuo nwaako Yaa nwu nkpo otofo. Nkpa loo nfɛ nsi di nwaakotɛ Yaa nwu kamɛ di Obi nɔɔ Yesu Kristo kamɛ. Nwaako kafɔɔ nnwɔɔ ninle nwaakotɛ Yaa nwu ku nkpa be ninnaa ni kaloo.


Lean sinn:

Sanasan


Sanasan