YAKOBO 1:3 - Selee

³ Diekye biye bilɛ sɛlaa se ninwa ye ni di suoto nsɔ ofũ onu lee kunnyu. Nkpo oso nfɛ di otu okpee nwɛ nɛ.

YAKOBO 1:3 Iomraidhean Croise

LUKA 21:19

Nse biekpee situ osie kanya, bibawɛ nkpa be ninnaa ni kaloo.

ROMA BATII 15:4

Nioso asaa ya bɛɛkpana bɛɛtɛ ni di obe wɔ nintɔbafe ni kamɛ yi, ɔkpana bɛɛkpana bɛɛtɛ alɛ diatuo wo asaa alɛ, nse buoyila di dibuo biala kanya osie kanya, diefe ni di Kɔkpana Klekle ɔnyɛɛ okpee wɔ ookpee wo ni kamɛ yi, ni bukpe osuku onyu.

ROMA BATII 2:7

Batii ba niekpee ni okyiini di lɛsaa biene ɔbla kamɛ, beetikanko ni leklekle ku dibu ku nkpa biene osiɛ nkpaamaa, Yaa mata ma nkpa be ninnaa ni kaloo.

ROMA BATII 8:25

Kafɔɔ nse buonyu osuku munta lɛsaa le munɔɔnya ni ku anu loo, ni munnkpee otu munnyu lɛsaa nwu osuku nɛ.

ROMA BATII 8:28

Buye bulɛ lɛsaa lele di Yaa lɛbla ni, dilɛ diɛta batii ba nimbɔmbɔ nwɔ nii, mba ɛɛlɛɛ ni di dibiesaa nɔɔ ɔbla suoto.

2 KORINTO BATII 4:17

Dibuo le kɛɛkɛɛ buɔwɛ ni di obe kakui wɔ mmle di kayi ka mmle kamɛ yi, mata alɛ bubawɛ suoto lɛyɔɔ kplɛ di Yaa kafa ninnaa ni kaloo. Dibalenkee kafɔɔ dibuo le nimuu buɔwɛ nii.

KOLOSE BATII 1:11

Yaa ayɔ osie nɔɔ kplɛ nwu nkpo amufũ ye aklee osie kanya, alɛ biafuo otu okpee lɛsaa biala kamɛ mintɛ suoto kaasɔ. Biyɔ suoto lɛyɔɔ bipɛ Teete sɛfa obe lele, diekye nnwɔɔ niɛta alɛ buɔwɛ kalekɔ di lɛsaa le eelolaa ɛɛtɛ ɛɛta ni batii nɔɔ di sɛka kalekɔ nɔɔ lɛkpa nwu kamɛ.

2 TESALONIKA BATII 1:4

Nioso munkanta di suoto lee munta nsiisakɔ bule nɛ. Diekye ofũ onu lee lekple kukpe osie. Nu batikanko ye, biofe kafɔɔ diibuo kpinwu kamɛ.

2 TESALONIKA BATII 3:5

Saate omu ata ye lɛsɔnu le niɛtaka ni katoo di Yaa lɛbɔmbɔ le akpe ɛɛta wo ni ku otu okpee wɔ niekye ni Kristo nfũ.

HEBRI BATII 10:36

Nioso dikpe nii biɛtɛ otu kaasɔ alɛ biafuo Yaa dibiesaa ɔbla, di mmle okle di kɔnɛɛ lee makpanko ni ɔlaa wɔ di Yaa lebuɛ ɛɛtɛ nii.

HEBRI BATII 12:1

Nkpo oso, di obe wɔ bukpe ni batii kpinwu ba mmle di nkpa lɛma kotuo wo ni lɛsaa le ninle ni ofũ onu yi, bita bukpee okyiini buɔbla ɔkpɛ wɔ ninte wo ni siitũ alɛ buɔɔta disi. Biɛta budiki lɛsaa lele nimawa wo ni siisuku loo suoto ku okpile wɔ ninkle wo ni osie kanya butɛ di ɔlɔɔkɔ.

HEBRI BATII 6:12

Buloomiɛ bulɛ biakple bakyɔkɔ, kafɔɔ bikpee okyiini alɛ biate fɛ batii ba niafũ baanu nii, baawɛ ni otu ɔtɛ kaasɔ, alɛ baafũ ni ntam be di Yaa laka aata ma nii.

1 PETRO 1:7

Asaa ya mmle nimawa ye ni di suoto matuo mmle okle di ofũ onu lee nle ni ɔnwaa. Bia koto sɛɛle ko ninlalaa nii, ɔtɔ kamɛ manwa kũ fiɛ mantofo kũ lɛlɛ. Nioso ofũ onu lee wɔ niefũ ni kɔya kulenke ni koto sɛɛle yi, dikpe ni bɛɛsɔ nwu beenyu fiɛ babatofo alɛ ofũ onu nwaa kule, fiɛ di Yaa kamatansa ye, antakatɛsa ye katoo, ankpee ye dibu di dii le di Yesu Kristo makple anwa nii.

2 PETRO 1:6

Lɛɛsaatofo suoto yi, biyɔ suoto omufũ oklee bikyakaa, di suoto omufũ oklee kamɛ yi, biɛyɔ otu okpee bikyakaa, di otu okpee kamɛ yi, biɛyɔ Yaa lɛyɛkɛ bikyakaa.