MATEO 2:6 - Selee

⁶ ‘Afɔ Betlehem di Yuda kasɔ, diele okpoo biibii fale di Yuda sekpoo kamɛ. Diekye afɔ kamɛ di tunletɛ kplɛ nwu madie ankye, amaleko kale nii Israel batii katũ.’ ”

MATEO 2:6 Iomraidhean Croise

MATEO 2:1

Di obe wɔ di Herode latoole ni sɛka yi, ni baalofo Yesu di okpoo wɔ baatɔɔlɛɛ ni Betlehem di Yudea kasɔ suoto nɛ. Di obe nwu nkpo kamɛ, ni di banumbentɛ ba ninye ni asaa di awɛntrɛbi suoto bawo lakye kufĩ katunkɔ baawa Yerusalem nɛ.

MATEO 28:18

Ninfɛ di Yesu lakpukuti aatɛɛtɛɛ ma ni aatɔkɔ ma alɛ, “Yaa lɛyɔ osi ku kasɔ osie omuu eekpee mi di nnɛɛ kamɛ.

YOHANE 21:16

Yesu lakple aakaalɛ nwɔ lɛnyɔɔfa alɛ, “Simon, Yohane obi, fambɔmbɔ mi?” Ni aatɔkɔ nwɔ alɛ, “Yii, Saate! Faye falɛ, mbɔmbɔ fɔ.” Ni di Yesu latɔkɔ nwɔ alɛ, “Toonyu bafoso nii.”

YOHANE 7:42

Diekye Kɔkpana Klekle Kukũ lebuɛ alɛ, Kristo nwu nkpo Ɔka Dawid leyo kamɛ abakye. Babalofo nwɔ di Betlehem, di okpoo wɔ di Dawid lasiɛ nii.”

EFESO BATII 1:22

Yaa lɛyɔ lɛsaa biala eekpe di Kristo nkpaa kalɔ, ni ɛɛyɔ nwɔ ɛɛbla bafũbanutɛ Saate di asaa amuu suoto nɛ.

KOLOSE BATII 1:18

Nnwɔɔ ninle disi ɛɛta suoto nɔɔ sina nwu ninle ni bafũbanutɛ dikudi nwu nkpo. Nnwɔɔ kamɛ diikudi nwu nkpo nkpa lɛtaa diekye. Nnwɔɔ ninle Yaa Obi kasale wɔ aatakatɛsa aakyeko ni kukpi kamɛ, alɛ aale ni lɛsaa biala katũ.

HEBRI BATII 7:14

Diekye buye klekle bulɛ, Yuda kɔna kamɛ di Saate loo nwu nkpo lekye. Mose kafɔɔ ditabuɛ ɔlaa kuonwii akyeko di kɔna ko mmle olebatatɛ ole suoto.

ODIKI OTUO 11:15

Nni nkpo sɛmaa, ninfɛ di Yaa tɔkyɛntɛ kuɛnsĩ le lafɛ dikyukyoo nɔɔ nɛ. Ni sɛɛlɔ kpinwu latoodie di osi osie kanya siatoobuɛ alɛ, “Kayi ka mmle sɛka ole ntookple Saate Yaa loo ku Kristo nɔɔ sele. Abale sɛka diesifi ni dinaa ni kaloo!”

ODIKI OTUO 2:27

‘Abakpa ma ku ɔbɔɔsaawoso, ambibiɛ ma wɔkyɔwɔkyɔ fɛ mmle okle mambibiɛ ni dibukii.’ Abawɛ osie fɛ mmle okle di amii lafũ osie lakyeko ni Teemi nfũ.

ODIKI OTUO 7:17

Diekye Lefosobi nwu nkpo ninsi ni lɛɛkakpomii nwu nkpo ntɛɛ, nimaklee ma fɛ fosokpatɛ. Abakpaa ma ankyɛnko ntu be ninta ni nkpa kataakɔ. Yaa kafɔɔ kamasunsũ ma nnumɛɛ biala di anu.”