MATEO 2:2 - Selee

² Ni baakaalɛ alɛ, “Ɔfɛ beelofo obi wɔ nimale ni sɛka di Yuda batii kasɔ suoto? Buɔnya lɛwɛntrɛbi nɔɔ di kufĩ katunkɔ. Nioso butɔɔwa bulɛ buɔbatansa nwɔ nɛ.”

MATEO 2:2 Iomraidhean Croise

MATEO 2:3

Obe wɔ di Ɔka Herode lanu ni ɔlaa wɔ mmle yi, ɔfɔɔ lasifi nwɔ ku Yerusalem batii bamuu osie kanya.

MATEO 21:5

“Bitɔkɔ Sion batii bilɛ, ‘Binyu! Ɔka lee kɔwa ɔkyɛ lee. Ɛɛwakosa suoto kasɔ asi di bɔkɛɛ wɔ nintuka ni atoo ku dibi suoto ɔɔwa.’ ”

MATEO 27:11

Baakpaa Yesu baalaase di Roma batii abaa ɔnɔɔfo Pilato anu. Ni aakaalɛ nwɔ alɛ, “Afɔ ninle Yuda batii Ɔka nwu nɛ?” Ninfɛ di Yesu ladiki kanya alɛ, “Nnwu fatoobuɛ nɛ.”

LUKA 19:38

Baatoobuɛ alɛ, “Yaa akusɛkusɛsa ɔka wɔ nikɔwa ni di Saate leyooto kamɛ! Atoko ɔkyɛ ole diwɛ di Yaa kafa, Yaa lele ninle leklekle!”

LUKA 2:11

Di miɛ dii le mmle suoto, batoolofo Saate wɔ ninle ni Kristo bɛɛtaye di ɔka Dawid okpoo kamɛ.

LUKA 23:3

Ni di Pilato lakaalɛ nwɔ alɛ, “Afɔ ninle Yuda batii Ɔka nwu nɛ?” Ninfɛ di Yesu ladiki kanya alɛ, “Nnwu fatoobuɛ nɛ.”

LUKA 23:38

Di lɛkantosi nɔɔ, baakpana sɛlaa se mmle alɛ, “Nnya Yuda Batii Ɔka ninle nwɔ nɛ.”

YOHANE 1:49

Ninfɛ di Natanael ladiki kanya aabuɛ aatɔkɔ Yesu alɛ, “Saatuotɛ, nwaako afɔ ninle Yaa Obi nwu nkpo nɛ. Israel Batii Ɔka ninle afɔ!”

YOHANE 12:13

Nkpo oso baabudi sɛkaafɛ, ni baadie baakyɛ baalaakyakako nwɔ, baatɔɔtaa siwidi alɛ, “Hosiana! Bitansa otii wɔ nikɔwa ni di Saate leyooto kamɛ! Bitansa Israel Batii Ɔka nwu!”

YOHANE 18:37

Obe wɔ aatɔkɔ nwɔ ni ɔlaa wɔ mmle, ni di Pilato lakaalɛ nwɔ alɛ, “Ni Ɔka fale?” Ninfɛ di Yesu latɔkɔ nwɔ alɛ, “Afɔ nikobuɛ falɛ Ɔka nle. Beelofo mi bɛɛwako kayi ka mmle bɛɛta lɛsaa ninwii, ninle ni alɛ, kadiki onukware nwu nkpo ntuo. Otii lele ninye onukware nwu nkpo kamaa, ankyɔɔ mi atoko.”

YOHANE 19:19

Pilato lata baakpana lɛsaa bakaasa di Yesu kowoso nwu nkpo osi. Sɛlaa se aakpana ni ninle nse mmle nɛ. Yesu Nasaret Otii nwu, Yuda Batii Ɔka.

YOHANE 20:28

Ninfɛ di Toma ladiki kanya aabuɛ alɛ, “Saate nii ku Yaa nii!”

YOHANE 5:23

alɛ, batii bamuu kabu Obi nwu nkpo, fɛ mmle okle boobu ni Ote. Otii lele ninambu Obi nwu nkpo yi, ni aambu Ote wɔ kafɔɔ niekyesee nwɔ nii.

YOHANE 9:38

Ni di osuɔtɔ nwu labuɛ alɛ, “Saate, lefũ lenu!” Ninfɛ aapɛ akunkyi di Yesu katũ aatansa nwɔ nɛ.

HEBRI BATII 1:6

Di obe wɔ kafɔɔ di Yaa makyesee ni Obi nɔɔ kasale kayi, aabuɛ alɛ, “Yaa batɔkyɛntɛ bamuu dikpe nii, beese asi kaasɔ beesumu nwɔ.”

ODIKI OTUO 22:16

“Ami, Yesu, omu ntookyesee tɔkyɛntɛ nii nlɛ aadiki sɛlaa se mmle kanya anta ye alɛ biayɔ mintɔkɔ bafũbanutɛ akudi nwu nkpo amuu. Ami ninle Ɔka Dawid ɔnantii finle nwu nɛ. Ami kafɔɔ ninle kolesɛtũ lɛwɛntrɛbi nwu nikɔkpa ni nɛ.”