MATEO 18:3 - Selee

³ Ni aatɔkɔ ma alɛ, “Nwaako kɔtɔkɔ ye ntikiti nlɛ, nse biekyisa letembi lee bite fɛ babisɔ yi, diidii, bilababuo Yaa sɛka kalekɔ nwu nkpo.

MATEO 18:3 Iomraidhean Croise

MATEO 13:15

Diekye batii ba mmle disibu lɛbla buɛɛ, bakpe kafɔɔ setokopĩ, beetĩi anu lɛma kafɔɔ. Nse diele nkpo, se bɔɔnya, se boonu kafɔɔ, se disibu lɛma kafɔɔ ntabasɛkɛtɛ, alɛ baamunikĩi manwa ɔkyɛ nii, alɛ ami Yaa kayɔɔsa ma sifiɛ.’

MATEO 18:2

Ninfɛ di Yesu lalɛɛ obisɔ biibii onwii aabayila ma di anu nɛ.

MATEO 18:4

Otii wɔ niefũ kɔya alenke ni di Yaa sɛka kalekɔ nwu nkpo ninle, otii wɔ niɛwakosa ni suoto kasɔ, eekyi eete fɛ obisɔ wɔ mmle okle.

MATEO 19:14

Ninfɛ di Yesu latɔkɔ basaateketetɛ nwu nkpo alɛ, “Bita babisɔ bawa ɔkyɛ nii, bitantũi ma osuku. Diekye batii fɛ babisɔ ba mmle okle kale ninle Yaa sɛka kalekɔ nwu nkpo.”

MATEO 19:23

Ninfɛ di Yesu latɔkɔ basaateketetɛ nɔɔ alɛ, “Nwaako kɔtɔkɔ ye nlɛ, dibawɛ osie fiɛ di basaawɛntɛ makyɛ Yaa sɛka kalekɔ nwu nkpo.

MATEO 5:18

Komiɛ nlɛ bitofo bilɛ, obe wɔ di osi ku kasɔ ka mmle lɛnya kakpe ni yi, blɔbakyɛlɛnsa kufiofa ko mmle bɛɛkpana bɛɛtɛ nii bia kabɛfɛɛ nɔɔ dilabadie kaamɛ, diɛlaase di obe wɔ di asaa ya kuufiofa nwu nkpo kotuo ni lɛwa ni kaanya.

MATEO 5:20

Nkpo oso kɔtɔkɔ ye klekle ntikiti nlɛ, fiɛ bibafuo ni Yaa sɛka kalekɔ nwu nkpo obuo yi, diediki biesiɛ nkpa tinini fɛ mmle okle di Yaa komiɛ nii, dielenkee kufiofa batuotɛ ku Farisi batii nle.

MATEO 6:16

Yesu latuo asaa alɛ, “Nse bionii kanya yi, bitankatu anu fɛ mmle di balaatɛ mbla nii. Diekye mankatu anu alɛ batii kanya mantɛ nsũ alɛ boonii kanya. Kɔtɛ nta ye mintofo bilɛ batoofũ letota lɛma kofokofoko.

MATEO 6:2

Nkpo oso nse fɔɔta piitɛ owo lɛsaa yi, tanyie ni lɛkya faata batii latofo fɛ mmle di baalaatɛ mbla ni di bawo kalɛɛkɔ ku lɛkpaka. Mambla nkpo ta mmle baatii katansa ma ni oso. Kafɔɔ kɔtɛ nta ye letofo nlɛ batoofũ letota lɛma kaayi ka mmle kamɛ kofokofoko.

MATEO 6:5

“Nse biɔpɛ ɔlaa minta Yaa yi, bitambla fɛ mmle baatii ba nimbla ni asaa di anu anu mbla nii. Mambɔmbɔ ɔtaka oyila di Yaa batii kasiisakɔ ku akpaka alɛ batii bamuu kanya ma alɛ bɔɔpɛ ɔlaa manta. Kɔtɔkɔ ye nlɛ batoofũ letota lɛma kofokofoko.

MARKO 4:12

Nioso, ditɔɔwa fɛ mmle bɛɛkpana ni Kɔɔkpana Klekle kamɛ alɛ, ‘Babanya, mankple manya, kafɔɔ blɔbanya batɛnsũ. Babanu, mankple manu, kafɔɔ blɔbanu kasɔ. Nse beenu kasɔ, bɛɛnya bɛɛtɛ nsũ, babakyi siitu lɛma kamɛ, Yaa n-yɔ sikpile lɛma ankyɛ ma!’ ”

LUKA 13:24

“Kpee okyiini faafe di kayoko biibii nwu kamɛ fabuo. Diekye batii kpinwu mamiɛ alɛ boobuo osie kanya, kafɔɔ bɔlɔbafuo obuo.

LUKA 22:32

Kafɔɔ ntɔɔpɛ ɔlaa lɛta Yaa diisi lɛfɔ Simon, alɛ ofũ onu lɛfɔ dilaayu. Alɛ nse fɛɛpɛ feekple fɛɛwa ɔkyɛ nii, faakpee babilee suɔtɔbi osie.”

YOHANE 1:51

Ninfɛ di Yesu lakple aatɔkɔ nwɔ alɛ, “Nwaako kɔtɔkɔ fɔ nlɛ, fabanya mmle okle di kolo masɛkɛtɛ nii, di Yaa batɔkyɛntɛ matooyie mantoosoo ni di ami, Otii Obi nwu, suoto.”

YOHANE 3:3

Ninfɛ di Yesu latɔkɔ nwɔ alɛ, “Nwaako kɔtɔkɔ fɔ nlɛ, nse baase otii lelofo yi, ɔlɔbafuo Yaa sɛka kalekɔ nwu nkpo kamɛ ɔnya.”

YOHANE 3:5

Ninfɛ di Yesu latɔkɔ nwɔ alɛ, “Nwaako kɔtɔkɔ fɔ nlɛ, nse baase otii lelofo di ntu ku Yaa Ninwuna kamɛ, ɔlɔbafuo Yaa sɛka kalekɔ nwu nkpo kamɛ obuo.

ƆKPƐ ƆBLA 14:22

Baakpee bafũbanutɛ nwu osie, baakpee ma kafɔɔ otu alɛ bakle ofũ onu lɛma ku nwaako obuɛ. Baatɔkɔ ma kafɔɔ alɛ, “Dikpe nii buofe di abuo kpinwu kamɛ fiɛ buobuo Yaa Sɛka Kalekɔ nwu.”

ƆKPƐ ƆBLA 28:27

Diekye batii ba mmle disibu lɛbla buɛɛ, bakpe kafɔɔ setokopĩ, beetĩi anu lɛma kafɔɔ. Nse diele nkpo, se bɔɔnya, se boonu kafɔɔ, se disibu lɛma kafɔɔ ntabasɛkɛtɛ, alɛ baamunikĩi manwa ɔkyɛ nii, alɛ ami Yaa kayɔɔsa ma sifiɛ.’ ”

ƆKPƐ ƆBLA 3:19

Nioso, bikyi siikpile ɔbla suoto, bietikanko Yaa, mmle okle aafoto ye ni sikpile di suoto minwɛ ni ɔnyɛɛɔtɛ wɔ niekye ni Yaa nfũ, ta mmle okle aakyesee ye ni Kristo Yesu wɔ eediki ɛɛta ye ni.

1 KORINTO BATII 14:20

Babiloo, bitante fɛ babisɔ di disibu lee kamɛ. Kafɔɔ bibu diisi fɛ banɔɔfo. Di okpile ɔbla suoto yi, bite fɛ babisɔ.

1 PETRO 2:2

Fɛ mmle okle di babifɔɔle mmiɛ ni nnyɛɛ ntu yi, bita Yaa ɔlaa nwu mananlɔ ni lɛsalɛsaa kuklee ye ɔkɔnsɔ osie kanya. Alɛ biamuɔ diidiki lee kamɛ.

2 PETRO 1:11

Ni bibawɛ osuku niimu kamɛ mimbuo Saate loo ku Dikitɛ Yesu Kristo sɛka kalekɔ nwu nkpo ninnaa ni kaloo.