LUKA 4:5 - Selee

⁵ Nni kamaa, Abonsam lakpaa nwɔ aalaase di lɛba le niataka ni suoto. Ni aatuo nwɔ kayi asaa ku sɛka nlekɔ mmuu di onumpoo lɛpɛ kamɛ nɛ.

LUKA 4:5 Iomraidhean Croise

MATEO 24:14

Batii mayie Yaa sɛka kalekɔ ɔlaa biene nwu nkpo lɛkya kaayi kamuu kamɛ, alɛ otii biala kawɛ osuku annu, fiɛ nfɛ di kayi kaloo nwu nkpo mawa.

MATEO 4:8

Ninfɛ di Abonsam nwu nkpo lakple aakpaa Yesu aasifiko kobokote takale kunwii nsintɛɛ. Ninfɛ aadiki kayi ka mmle sɛka nlekɔ mmuu ku sɛlɛ ninya aatuo nwɔ nɛ.

1 KORINTO BATII 15:52

Ababla nle mmle fɛ mmle mampɛ onumpoo plɛ. Diekye nse dikyukyoo nwu nkpo lɛfɛ, Yaa mkple ansɛnkɛsa bakpi manamasinkpi ni diidii, nse atɔɔkyɛlɛnsa bamuu loo letembi.

1 KORINTO BATII 7:31

Batii ba nin-yɛ ni kaayi ka mmle asaa ɔwɛ kanya, batan-yɔ anu lɛma baatika di asaa ya mmle suoto. Diekye kayi ka mmle asaa biɔnya ni mmle okle, mafe di obe kakui kamɛ.

2 KORINTO BATII 4:17

Dibuo le kɛɛkɛɛ buɔwɛ ni di obe kakui wɔ mmle di kayi ka mmle kamɛ yi, mata alɛ bubawɛ suoto lɛyɔɔ kplɛ di Yaa kafa ninnaa ni kaloo. Dibalenkee kafɔɔ dibuo le nimuu buɔwɛ nii.

EFESO BATII 2:2

Diekye di obe nwu kamɛ yi, biatikanko kayi ka mmle sisuku kpile, biakyɔɔ kafɔɔ situmi se nikole ni sɛka di kɔfɛɛfɔ kamɛ ɔka atoko. Nnwɔɔ ninle ninwuna le nikɔbla ni ɔkpɛ di batii ba niesĩ nunua alɛ blɔkyɔɔ ni Yaa atoko kamɛ nɛ.

EFESO BATII 6:12

Diekye diele batii buɔkpɛko. Kafɔɔ ninwuna kamɛ basientɛ ku ninwuna kamɛ banyayilatɛ ku kayi ka mmle ditunu kamɛ banyayilatɛ ku asaa kpile ɔbla anwuna ya ninkpe ni kɔɔfɛɛfɔ kamɛ di osi nikɔkpɛ.