LUKA 11:2 - Selee

² Ninfɛ di Yesu latɔkɔ ma alɛ, “Nse biɔpɛ ɔlaa minta Yaa yi, biebuɛ bilɛ, ‘Teete, ta balɛɛ leyooto lɛfɔ klekle nwu ku dibu. Sɛka kalekɔ lɛfɔ diwa wo kaamɛ.

LUKA 11:2 Iomraidhean Croise

MATEO 10:32

“Otii lele niediki eebuɛ di batii anu alɛ, ole mi ale yi, amii madiki nwɔ kanya di Teemi anu di Yaa kafa nlɛ ole mi ale.

MATEO 3:2

aatoobuɛ alɛ, “Bidiɛ sikpile ɔbla, diekye Yaa sɛka kalekɔ ntɔɔtɛɛtɛɛ.”

MATEO 5:16

Nkpo okle kafɔɔ dikpe ni ɔsaabla lee lɛkpa fɛ kandiɛ kuɔta batii nɛ. Ni babanya asaa biene lee ya biɔbla nii, man-yɔ lɛtansa manta Teeye wɔ ninkpe ni kaatoo.”

LUKA 11:1

Dii ninwii, Yesu lawɛ lɛɛba ninwii aatɔɔpɛ ɔlaa aatɔɔta Yaa. Obe wɔ aaloo nii, Saateketetɛ nɔɔ onwii lawa nwɔ ɔkyɛ abatɔkɔ nwɔ alɛ, “Saate, tuo wo mmle mampɛ ɔlaa manta ni Yaa, fɛ mmle di Yohane latuo ni basaateketetɛ nɔɔ.”

ROMA BATII 1:7

Nkpo oso kɔkpana kukũ ko mmle nta bamuu lee ba ninkpe ni di Roma, di Yaa mbɔmbɔ ɛɛlɛɛ ye ɛɛbla ni bale nwɔ nɛ. Teete loo Yaa ku Saate Yesu Kristo ale ye sibualɛ, aata ye suoto lɛyɔɔ.

ROMA BATII 8:15

Yaa diɛta wo lɛyɛkɛ Ninwuna, alɛ, buakple balanle. Kafɔɔ Ninwuna le ɛɛta wo ni kɔbla wo babi nɔɔ. Nioso diefe ni diɛ Ninwuna nwu suoto, munlɛɛ Yaa bulɛ, “Abba” lɛsɔdiki nɔɔ ninle alɛ Teete nii.

1 KORINTO BATII 1:3

Buɔkaalɛ Teewo Yaa ku Saate Yesu Kristo sibualɛ ku suoto lɛyɔɔ munta ye.

2 KORINTO BATII 1:2

Buɔkaalɛ Teewo Yaa ku Saate loo Yesu Kristo sibualɛ ku atoko ɔkyɛ ole bulɛ disiɛko ye.

GALATIA BATII 1:4

Yesu Kristo niayɔ suoto nɔɔ aata siikpile loo disi, alɛ aadiki wo ankyeko miɛ kayi kpile ka mmle ablasaa kamɛ. Nni ninle Yaa loo, Teewo dibiesaa nɛ.

EFESO BATII 1:2

Teete Yaa ku Saate loo Yesu Kristo bale ye sibualɛ, baata ye atoko ɔkyɛ ole.

FILIPI BATII 1:2

Teete Yaa loo ku Saate Yesu Kristo bale ye sibualɛ, baata ye atoko ɔkyɛ ole.

FILIPI BATII 4:20

Bita butansa Teete loo Yaa diɛyɔ ni di nua diesifi ni dinaa ni kaloo. Diwa kaanya.

KOLOSE BATII 1:2

Munkyesee aye babiloo ba ninkpe ni di Kolose, di Yaa ntɔɔbla ni klekle, mimbla ni lɛsaa di osuku kanya, biɛbla ni onwii ku Kristo. Teete loo Yaa ale ye sibualɛ, aata ye atoko ɔkyɛ ole.

1 TESALONIKA BATII 1:1

Ami, Paulo, ku Silvano ku Timoteo niɛkpana kukũ ko mmle munkyesee aye ba ninle ni Teete Yaa ku Saate Yesu Kristo bale di Tesalonika. Buɔɔkaalɛ Yaa sibualɛ ku atoko ɔkyɛ ole munta ye.

1 TESALONIKA BATII 1:3

Munnyee kafɔɔ alɛ buatɔkɔ Teete loo Yaa mmle okle bikle ofũ onu lee biɔblako ni ɔkpɛ. Muntɔkɔ nwɔ kafɔɔ mmle biɔkyakaako ni batii di lɛbɔmbɔ kamɛ, ku mmle bietika ni anu di Saate Yesu Kristo suoto osie kanya.

2 TESALONIKA BATII 2:16

Saate Yesu Kristo omu ku Teete Yaa loo wɔ nimbɔmbɔ wo nii, ata wo otu okpee wɔ ninnaa ni kaloo ku osuku onyu biene ta sibualɛ nɔɔ oso.

ODIKI OTUO 11:15

Nni nkpo sɛmaa, ninfɛ di Yaa tɔkyɛntɛ kuɛnsĩ le lafɛ dikyukyoo nɔɔ nɛ. Ni sɛɛlɔ kpinwu latoodie di osi osie kanya siatoobuɛ alɛ, “Kayi ka mmle sɛka ole ntookple Saate Yaa loo ku Kristo nɔɔ sele. Abale sɛka diesifi ni dinaa ni kaloo!”

ODIKI OTUO 15:4

Owe nimafuo fɔ oyila di anu alɛ alaayɛkɛ fɔ, Saate? Alɛ alaayɔ katansa kafɔɔ ata fɔ? Diekye lete lɛfɔ ninte klekle, nnle mmuu batii kamawa ɔkyɛ lɛfɔ mamatɔ fɔ. Diekye ɔsaabla lɛfɔ tinini nwu, bamuu lɛma batɔɔnya.”

ODIKI OTUO 19:6

Nni nkpo sɛmaa, lanu fɛ batii dikudu kplɛ ninwii sɛlɔ ee fɛ ntu nikosoo koobokote suoto ee kanto dikpududuu kplɛ. Baatoobuɛ alɛ, “Bitansa Yaa! Diekye Saate Yaa loo wɔ ninlenke ni nikole sɛka!

ODIKI OTUO 20:4

Di nni nkpo sɛmaa, lanya akakpomii, batii ba niasiɛ nya ni di suoto, Yaa lata ma osie alɛ baakanko. Mma ninle batii ba baalo ni anwuna ta baayie ni nwaako ɔlaa wɔ di Yesu ladiki aatuo ni ku Yaa ɔlaa nwu lɛkya oso. Batii ba mmle ditase asi lɛma kaasɔ baasumu bɔkɛɛ nwu ninkpe ni kobe ee letembi nɔɔ nwu nkpo ee bafũ bɔkɛɛ nwu ninkpe ni kobe nsũ ɔtɛ kaatũ lɛma ee nnɛɛ lɛma suoto. Baakple baawa nkpa kamɛ babale sɛka fɛ baka ku Kristo alɛɛ kakpe.